Бұл мектеп оқушыларынан бастап зейнеткерлерге дейінгі барлық әлеуметтік санаттарға қатысты болуы тиіс, деп мәлімдеді мәслихат хатшысы Ерлан Каналимов. VII шақырылған елорда мәслихаты қала бюджетіндегі әлеуметтік шығындарды қайта қарауды ұйғарып отырған сыңайлы. Отырыста қоғамдық көлікте жүруге жеңілдік беретін карта иелеріне бақылауды күшейту қажеттігі талқыланды, деп хабарлайды inbusiness.kz.
Елордада тегін жол жүруге құқығы бар оқушылардың ғана саны 217 мың. Олармен қатар зейнеткерлер де жеңілдікке ие.
"Бақылау тетігі қажет – мысалы, халықтың әлеуметтік осал топтары мен оқушылар карталарды үш айдан артық пайдаланбаған жағдайда, мұндай карталардың күшін жою қажет. Немесе бұл түсініксіз, олар айналымда жүреді және біз бұл шығындарды өтейміз. Бұл да мүмкін емес. Кез келген тегін іс – жақсы бастама, бірақ бақылау болуы керек", - деп атап өтті мәслихат хатшысы Ерлан Каналимов.
Сонымен қатар, елордада сегіз жаңа маршрут, 24 қала маңындағы маршрут іске қосылғаны атап өтілді. Бүгінгі таңда қалада барлығы 89 маршрут бар, оның 25-і қала маңында. Бірақ көлік қатынасының өсуімен бірге автобустардың жетіспеушілігі де туындап отыр.
"Қазіргі уақытта бізде 400 жаңа автобус тапшылығы бар. Осы бағытта жұмыс жүргізіп жатырмыз. Келесі жылы бұл мәселені толығымен шешуді жоспарлап отырмыз",-деп атап өтті Қаланың көлік және жол-көлік инфрақұрылымын дамыту басқармасының басшысы Жансұлтан Сапарбаев,.
Елордадағы қоғамдық көлікті субсидиялауға 2023 жылға арналған бюджетте шамамен 15 млрд. теңге қарастырылған.
"Бұл біздің автопарктерімізге жағдайды жақсартуға, бүгін жинақталған мәселелерді шешу үшін жаңа автобустар сатып алуға мүмкіндік береді", - деп түйіндеді Ерлан Каналимов.
