Нұр-Сұлтанда және Ақмола облысында лаңкестікке қарсы жоспарлы оқу-жаттығулар басталды.
"Іс-шараның мақсаты – ведомствоаралық өзара іс-қимыл дағдыларын дамыту, жедел штабтың күштері мен құралдарының лаңкестік көріністерге жедел ден қою тапсырмаларын орындауға дайындығын тексеру", – деп жазылған хабарламада.
Штабтың мәліметінше, оқу-жаттығу түрлі жауынгерлік жағдайларға барынша ұқсас етіп ұйымдастырылған.
Осыған байланысты Нұр-Сұлтан қаласындағы Қорғалжын тас жолы мен Домалақана көшесінің қиылысында және Ақмол ауылындағы Наурыз және Бақыт көшелерінің қиылысында сағат 8:00-ден 15:00-ге дейін шектеу шаралары қарастырылған.
"Азаматтарды жүргізіліп жатқан оқу-жаттығу шараларына, көліктер мен тұрғындардың қозғалысына уақытша шектеулерге түсіністікпен қарауға, қауіпсіздік шараларын сақтауға және тартылған мемлекеттік орган қызметкерлерінің заңды талаптарын сақтауға шақырамыз", – деп жазылған хабарламада.
Құралай Құдайберген
