Елордада әйел баласымен бірге көп қабатты үйдің балконынан секірмек болды

Елордада әйел баласымен бірге көп қабатты үйдің балконынан секірмек болды

23 Қазан 2021 12:28 414

Елордада әйел баласымен бірге көп қабатты үйдің балконынан секірмек болды
Әйел баласымен 12 қабатты тұрғын үйдің балконынан секірмек болған, деп хабарлайды Нұр-Сұлтан қалалық Полиция департаментінің баспасөз қызметі.

"22 қазан күні сағат 17:30-да Кубрин көшесінің бойында полиция капитаны Қайрат Нариманов көп қабатты үйдің балконынан аяғын салбыратып тұрған әйелді байқаған. Оның қолында баласы болған. Ол секіру ниетімен балконның қанатында отырған.

Оны байқаған полицей дереу кіреберіске қарай жүгіріп, жоғары көтерілген. Есіктің саңылауынан әйелдің оны байқамай тұрғанын пайдаланып, полиция қызметкері әйелді ұстап қалады", – деп мәлімдеді Полиция департаментінің баспасөз қызметінен.

21 жастағы жас әйел мұндай қадамға отбасылық жанжалдан кейін бармақ болған. Оның қолында бір жарым жасар баласы болған.

"Ол күні мен бір тәуліктік кезекшіліктен кейін демалыста едім. Балаларыммен балабақшадан қайтып келе жатып, үрейленіп тұрған азаматтар мен балконның қанатында отырған әйелді байқадым. Ойланбастан кіреберіске қарай жүгірдім, осы кезде менімен бір куәгер лифтіге бірге кірді. Қуанышқа орай, әйелді аман алып қалдық", – деді полицей.

Жас ананы осындай жағдайға жеткізген жұбайына қатысты қорғау нұсқамасы шығып, отбасы қатаң бақылауға алынды. Әйелмен профилактикалық әңгіме жүргізіліп, психологиялық көмек көрсетілді.

 

kazakstandyk-mergen-stend-atudan-alemdik-dodanyn-kola-zhuldegeri-atandy

balalardy-mindetti-vakcinalau-turaly-bujrykka-kol-kojyldy-fejk

petropavldagy-kurylysshy-kazasy-teksergen-komissiya-tusiniksiz-sheshim-shygargan

memleket-basshysy-kaspij-tenizin-korgauga-katysty-zanga-kol-kojdy

kyzylorda-oblysynda-iz-tussiz-zhogalgan-er-adamnyn-majiti-tabyldy

загрузка

×