Елордада алғаш рет EXPO халықаралық көрме орталығының алаңында 17-21 тамыз аралығында "Kids EXPO. Балалар әлемі" тақырыбында балалар тауарларының жәрмеңкесі өтеді, деп хабарлайды Нұр-Сұлтан әкімдігінің ресми сайты.
Шараны елорда әкімдігінің қолдауымен "QazExpoCongress" Ұлттық компаниясы" акционерлік қоғамы ұйымдастырады.
Жәрмеңке тақырыбы: білім беру, хобби, демалыс, балалар мәдениеті (журналдар, кітаптар және музыка), ойындар әлемі (ойыншықтар, ойындар және қолдан жасалған бұйымдар), балалар сәні мен киімдері, керек-жарақтар мен аксессуарлар және басқа да бағыттар.
Елордалық балалар тауарлары мен қызметтерінің "Kids EXPO. Балалар әлемі" – тауарлар мен қызметтер нарығының көшбасшыларын біріктіретін коммуникациялар үшін мінсіз платформа.
Жәрмеңке кітап, кеңсе, тоқыма, білім беру және ойын-сауық салаларының өкілдерін, балалар мен олардың ата-аналарына арналған тауарлар мен қызметтерді бір алаңда біріктіруге мүмкіндік береді.
Жәрмеңкеге қатысу-бұл шағын және орта бизнесті дамыту, тауарлар мен қызметтерді жылжыту, бренд туралы хабардарлықты арттыру, сондай-ақ сатылымды арттыру үшін нақты мүмкіндіктер.
Іс-шараға қатысудың басты артықшылығы-экспоненттер мен келушілер үшін арнайы іскерлік және мәдени іс-шаралар бағдарламасы ұйымдастырылады, онда қазақстандық және халықаралық сарапшылармен пікірталас алаңдары, оқыту тренингтері мен шеберлік сыныптары, концерттік бағдарлама, балалар мен мектеп киімдерінің көрсетілімдері болады.
