Елордада алғаш рет ҚР Төтенше жағдайлар министрінің кубогі үшін хоккейден турнир өтті

Елордада алғаш рет ҚР Төтенше жағдайлар министрінің кубогі үшін хоккейден турнир өтті

24 Қазан 2021 10:34 410

Елордада алғаш рет ҚР Төтенше жағдайлар министрінің кубогі үшін хоккейден турнир өтті
Қазақстан Республикасы Тәуелсіздігінің 30 жылдығына орай "Алау" мұз сарайында ҚР Төтенше жағдайлар министрінің кубогі үшін тұңғыш рет шайбалы хоккейден турнир өтті, деп хабарлайды inbusiness.kz сайты  ҚР Төтенше жағдайлар министрлігінің баспасөз қызметіне сілтеме жасап.  

Салтанатты ашылу рәсіміне Төтенше жағдайлар министрі Юрий Ильин, ТЖМ, Нұр-Сұлтан қаласының, Ақтөбе және Солтүстік Қазақстан облыстарының ТЖД басшылығы мен жеке құрамы, жарысқа қатысушылар мен қонақтар қатысты.

Кубок үшін турнирде Нұр-Сұлтан қаласы, Ақтөбе және Солтүстік Қазақстан облыстарының ТЖД, сондай-ақ ҚР ІІМ Солтүстік Қазақстан облысының Арнаулы күзет қызметі басқармасының командалары бақ сынасты. Хоккей қолданыстағы ережелерге сәйкес айналмалы жүйе бойынша өтті, 15 минуттан 3 тайм, 3 минуттық үзіліс. Әр команданың құрамында 12 ойыншы бар.

Ойын барысын елордалық гарнизон құтқарушыларының кәсіби дайындық бөлімшесі, ҚР ТЖ министрлігі қызметкерлерінен құралған төрешілер алқасы бақылады.

Ойын қорытындысы бойынша бірінші орынды Солтүстік Қазақстан облысы ТЖД командасы иеленді. Екінші орын ҚР ІІМ Солтүстік Қазақстан облысының Арнаулы күзет қызметі басқармасының командасына берілді. Нұр-Сұлтан қаласы ТЖД командасы үшінші орынды және Ақтөбе қаласы ТЖД командасы төртінші орынды иеленді.

Командалар диплом, медальдармен және естелік сыйлықтармен марапатталды. Турнир чемпиондарына ауыспалы кубок пен бірінші дәрежелі диплом табыс етілді.


 

elimizde-7-318-597-adam-vakcinanyn-ii-komponentin-saldyrdy

koronavirustan-emdelip-zhatkan-172-naukastyn-zhagdajy-ote-auyr

nariman-kurbanov-alem-chempionatynda-algashky-tortikke-endi

batyrhan-shukenov-atyndagy-stipendiya-kimderge-berildi

elorda-aumagynda-549-ort-tirkeldi

загрузка

×