/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 434,31 Brent 36,55
Елордада алғашқы әлеуметтік нысандар мен тұрғын үйлер көгілдір отынға қосылды

Елордада алғашқы әлеуметтік нысандар мен тұрғын үйлер көгілдір отынға қосылды

Елорданы газдандыру қалаға зиянды қалдықтарды 6 есеге, қатты заттарды – 40 мың тоннаға дейін азайтуға мүмкіндік береді.  

04 Шілде 2020 17:09 291

Елордада алғашқы әлеуметтік нысандар мен тұрғын үйлер көгілдір отынға қосылды

Нұр-Сұлтан қаласында табиғи газ беріліп, алғашқы әлеуметтік нысандар мен жеке тұрғын үйлер қосылды, деп хабарлайды қала әкімдігінің ресми сайты.

Көктал-1 тұрғын үй алабында «Шарапат» әлеуметтік қызмет көрсету орталығы, №29 мектеп және бірқатар жеке үйлер газға қосылды. Техникалық қосылу газ тарату желілерінің жеке үйлер мен ғимараттарды газға қосуға дайын екендігін көрсетті. Басқа тұтынушыларды қосу рәсімі іске қосу-жөндеу жұмыстары аяқталғаннан кейін жалғасады. Осылайша, Железнодорожный тұрғын үй алабында газбен жабдықтау тарату желілерінің 96%-ы салынды. ЖЭО-1/2, тұрғын үй алаптарында тікелей үйлерге желілерді бұру бойынша жұмыстар жүргізілуде.

«Елорда күні қарсаңында ерекше қуанышты жағдайды атап өткен жөн. Бізге көгілдір отын келді. Пеш жағып көрген жандар ғана бізді түсінеді. Қыста аспанымыз түтіннен көрінбейтін. Енді бәрі өзгереді. Көктал тұрғындары – негізінен қарт адамдар. Енді оларға әлдеқайда жеңіл болады, көмір сатып алудың қажеті жоқ» – деді Көктал-1 тұрғыны Галина Антонюк.

Железнодорожный тұрғыны Сәуле Жүнісова Елбасына тарихи жоба үшін алғыс айтты: «Табиғи көгілдір отынға қосылу біз үшін ұмытылмас оқиға». Елорда әкімі Алтай Көлгінов биылғы жылыту маусымында газ тарату желілері жеке сектордағы 8 мың үйге тартылатынын атап өтті.

«Газдандыру – Тұңғыш Президентіміздің тарихи жобасы. «Бес әлеуметтік бастаманың« бірі. Елордаға өткен жылы 1 мың шақырым магистралды газ құбыры тартылды. Газдандыру Мемлекет басшысының бақылауында. Биыл біз 8 мың жеке үйге газ тарату желілерін салуды жоспарлап отырмыз. Бүгін Астана күні қарсаңында алғашқы әлеуметтік нысандар мен үйлер газға қосылды. Көктал 1,2, Агрогородок, Промышленный, Железнодорожный және Оңтүстік-шығыс ауданында ағымдағы жылыту маусымында бірінші кезеңде газ жүргізіледі. Сондай-ақ, ЖЭО - 1/2 газға ауыстырылады», – деді қала әкімі Алтай Көлгінов.

Әкімдік қала тұрғындары үшін тегін есептеуіштер орнатуды қарастыруда. Тұрғындарға газ тарату желілеріне қосылу үшін пеш дайындау қажет. Өндірістік сектор мен тұрғын үй алаптарын газдандыру 3 кезеңде жүргізіледі. Екінші кезеңде газ Мичурино, Интернациональный, Күйгенжар (1-2 ПК), Тельман (3-ПК), Пригородный, Garden Village және Family Village (4-ПК) тұрғын алаптарына өткізіледі. Үшінші кезекте Ильинка (1-2-ші ПК), Шұбар (3-ші ПК), Өндіріс (4-ші ПК) тұрғын алаптары газдандырылатын болады. Іске асыру мерзімі - 2020-2023 жылдарға жоспарланған.

Өзбекстанда жанармай тапшылығы сезіледі

Қазақстанмен салыстырғанда өзбек елінде жанар-жағармай бағасы едәуір қымбат.

15 Қазан 2019 11:08 586

Өзбекстанда жанармай тапшылығы сезіледі

Бұл жөнінде Өзбекстанға арнайы сапармен барып қайтқан тілшіміз хабарлайды.

Нақтырақ айтар болсақ, бензиннің кеңінен сұранысқа ие АЙ-92 маркасы республикамызда 140 пен 150 теңге аралығында бағаланса, көрші елде оның құны 252-ден 260 теңгеге жеткен. Дегенмен, мұны Өзбекстанда мұнайдың аса көп мөлшерде өндірілмейтінімен түсіндіруге болатын шығар.

Алайда, көгілдір отынның отанына баланатын елде жергілікті көліктер кеңінен тұтынатын метан газының өзі арзан болмай тұр. Ала шапанды ағайын метанның 1 кубын 107 теңгеге сатып алса, пропан газы 78 теңгеге бағаланады.

Ал, дизель отыны өзбек елінде мүлде тапшы. Мұнай өнімінің бұл түрін жанармай бекеттерінен таба алмайсыз. Тек шетелден келетін жүк көліктері автотұрақтарда арнайы ыдыстарға құйып кетеді екен. Сондай жерлерден және жол бойындағы дүкендерден, үйлерден сұрастырып жүріп 10 және 20 литрге ғана қол жеткізе аласыз.

Елордада спорттық ғылыми-зерттеу университеті ашылуы мүмкін

Қазіргі таңда оның құрылысын мемлекеттік жекеменшік-әріптестік аясында жүргізу жоспарланып отыр.

18 Қыркүйек 2019 21:24 693

Елордада спорттық ғылыми-зерттеу университеті ашылуы мүмкін

Ұлттық олимпиада комитетінің Президенті Тимур Құлыбаевтың сөзінше, бұл кадрларды оқытып және мықты спортшылармен ғылыми жұмыс жүргізуге мүмкіндік береді.

Осы жолы Ұлттық олимпиада комитетінің Президенті болып Тимур Құлыбаев қайта сайланды. Бас ассамблеяның отырысында 34 спорт федерациясының өкілі кандидатураны бірауыздан қолдайтынын жеткізді. Айта кетейік, қазіргі таңда спортпен айналысатындардың саны 4 пайызға артып, 5 млн-ға жеткен. Республикалық бюджеттен салаға биыл 31 млрд теңге қаражат бөлінгенін ескерсек, келер жылы 20 млрд-қа артпақ. Мұнан бөлек, жергілікті бюджеттен де салаға қаржы құйылады.