Нұр-Сұлтан қаласы жеке сот орындаушыларының өңірлік палатасы төрағасының орынбасары Мадина Жанасаеваның айтуынша, төленбеген алименттің жалпы сомасы шамамен 38 млн теңге.
"Қылмыстық кодекстің 139-бабына бойынша кәмелетке толмаған балаларды күтіп-бағуға алиментті өндіріп алу туралы сот шешімін 3 айдан аса уақыт орындамағаны және жалтарғаны үшін қылмыстық жауапкершілік қарастырылған. Мұндай жағдайда адам 600 сағатқа дейін қоғамдық жұмысқа тартылады не 2 жылға дейін бас бостандығы шектеледі не сол мерзімге бас бостандығынан айырылады", - деді Мадина Жанасаева.
Ол алимент төлемегені үшін сотталған 13 адамның онына қатысты сот үкімі күшіне енгенін атап өтті.
"Оның ішінде 9 борышкерге бір жылға бас бостандығын шектеу түріндегі жаза тағайындалды, ал 1 борышкердің бас бостандығы 6 айға шектелді. Сондай-ақ 7 борышкерге тұрақты жұмысқа орналасуға 1 ай уақыт берілді, олар жазасын өтеу барысында 100 сағатқа мәжбүрлі еңбекке тартылады", - деді өңірлік палата төрағасының орынбасары.
2021 жылғы үшінші тоқсанында 11 қылмыстық іс қозғалып, олар бойынша үкім шығарылған.
Борышкерлерді қылмыстық жауапкершілікке тарту жұмысы Сарыарқа және Алматы аудандарының прокурорларымен бірлесіп жүргізілді.
