/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 426,81 Brent 36,55
Елордада әскерилер дезинфекциялау жұмысын қайта бастады

Елордада әскерилер дезинфекциялау жұмысын қайта бастады

Вирустың таралу қаупі әлі де сейіле қоймаған жағдайда карантин шаралары мен санитарлық-эпидемияға қарсы іс-шаралардың сақталуын қамтамасыз ету маңызды екені белгілі.  

04 Маусым 2020 21:19 140

 Елордада әскерилер дезинфекциялау жұмысын қайта бастады

Қарулы күштердің биологиялық қорғау бөлімшелерінің әскерилері Нұр-Сұлтан қаласындағы дезинфекция жұмыстарының екінші кезеңін бастады, деп хабарлайды ҚР Қорғаныс министрлігінің баспасөз қызметі

Әскери қызметшілер алғашқы тәулікте адамдар көп жиналатын орындар мен қала нысандарын өңдейді. Сонымен қатар, олар Тұңғыш Президент саябағы мен ботаникалық баққа вирусқа қарсы сұйықтық ерітінді шашады.

Санитарлық өңдеу жұмыстары үшін жеке газдан қорғау жиынтығы, дезинфекция ерітіндісі беріліп, АРС-14 автоқұю стансасы және жеке құрамды тасымалдауға арналған автокөлік жұмылдырылды.

Бұған дейін Денсаулық сақтау министрлігі тұрғындарға карантин шектеуін сақтауға шақырған болатын. Санитарлық-эпидемияға қарсы іс-шараларды қамтамасыз ету мақсатында елді мекендерде шұғыл түрде 16 санитарлық өңдеу тобы құрылды. Олар бір аптадан бері аймақтарда қоғамдық орындар мен әлеуметтік маңызы бар нысандарды өңдеп жатыр.

Төтенше жағдай режимі кезінде 29 қалада Қарулы күштердің әскери қызметшілері жалпы ауданы 50 млн шаршы шақырымнан асатын 10,5 мыңнан астам әлеуметтік маңызы бар нысандыа, ұзындығы 4 мың шақырым болатын жолда дезинфекциялады.

Нұр-Cұлтан қаласын 475 адам дезинфекциялап жатыр – Алтай Көлгінов

Көпқабатты үйлердің кіреберістерін дезинфекциялауға басымдық беріледі.

31 Наурыз 2020 15:41 222

Нұр-Cұлтан қаласын 475 адам дезинфекциялап жатыр – Алтай Көлгінов

Фото: Серікжан Қобыланбаев

Елорда әкімі Алтай Көлгінов Нұр-Cұлтан қаласын дезинфекциялау шарасы ерекше бақылауда екенін, бұл жұмысқа қорғаныс министрлігінің сарбаздары жұмылдырылғанын жариялады. 

«Нұр-Cұлтан қаласын 475 адам дезинфекциялап жатыр. Оның тең жартысы әскери адамдар. Қалғандары дезинфекциямен айналысатын мамандандырылған компаниялардың өкілдері. Ең әуелі коронавирус инфекциясының ошағы анықталған жерлер дезинфекцияланады. Бүгінгі таңда 10 ұйым карантинге жабылған. Олардың арасында №1автобус паркі, жатақхана, екі медицина ұйымы бар. Бұған дейін аялдамалар, тротуарлар, қоғамдық орындар дезинфекцияланды. Қазір қоғамдық орындар  дезинфекцияланып жатқан жоқ. Себебі адамдардың жүруіне шектеу қойылған. Басымдық көпқабатты үйлердің кіреберістеріне беріліп жатыр. Осы уақытқа дейін көпқабатты 500 үйдің 1900 кіреберісі дезинфекцияланды», – деді Алтай Көлгінов.

Қанат Махамбет

500 көпқабатты үйдің 1900 кіреберісі дезинфекцияланды

Дезинфекциялық препараттар адамдардың денсаулығына қауіп төндірмейді. 

31 Наурыз 2020 12:50 232

500 көпқабатты үйдің 1900 кіреберісі дезинфекцияланды

Фото: Серікжан Қобыланбаев

Нұр-Сұлтан қаласының әкімі Алтай Көлгінов елорда тұрғындарын кешкі сағат 20:00-ден кейін далаға шықпауға шақырды. 

«Қауіпсіздікке ерекше назар аудару қажет. Көпқабатты үйлердің кіреберістерін дезинфекциялаған кезде азаматтардың үйлерінде отырғандары дұрыс. Дезинфекция кешкі сағат 20:00-ден кейін басталады», – деді шаһар басшысы. 

Оның сөзінше, бүгінге дейін 500 көпқабатты үйдің 1900 кіреберісі дезинфекцияланды.  

«Әр ауданда арна йы штаб құрылды. Аудандық штабты аудан әкімі, қалалық штабты өзім басқарамын. Біз ел азаматтарына үйде отыруға кеңес береміз. Мемлекеттік комиссияның отырысында осы аптада жұмысқа баруға шектеу қойылды. Қоғамда адам аз болған сайын, азаматтардың вирус жұқтыру тәуекелі төмендейді», – деді Алтай Көлгінов. 

Бұдан кейін қала әкімі дезинфекциялық препараттар адамдардың денсаулығына қауіп төндірмейтінін мәлімдеді. 

«Бұл препараттар қауіпті және адамдарға зиян келтіретін болса, қолданылмайтын еді. Препарат вирусқа қарсы қолданылады. Сондықтан халық оған жанаспау қажет екенін түсінуі тиіс. Жалпы алғанда бұл препарат қауіпсіз. Оның құрамында хлор бар», – деді Алтай Көлгінов.

Қанат Махамбет