17 желтоқсан күні кешкі сағат 8.00-де Астананың бас шыршасын жағу іс-шарасы салтанатты түрде өтті. Іс-шараға шамамен бес мыңға жуық адам қатысты, деп хабарлайды inbusiness.kz сайты Астана қаласы әкімдігінің баспасөз қызметіне сілтеме жасап.
Жалпы, шыршаның биіктігі — 25 метр. Ол жеңіл сәнді ойыншықтармен, өрнектермен, строб шамдарымен, түрлі-түсті гирляндамен безендірілген.
Айта кетейік, ЭКСПО аумағында өткен шырша жағу рәсімінде елорда тұрғындары мен қонақтары үшін концерттік бағдарлама, жаңажылдық жәрмеңке, слайдтар, мұз айдыны, лабиринт, фуд-корт, арнайы тақырыпқа арналған фотоаймақтар ұйымдастырылды.
Сондай-ақ, қонақтарды "Жарты Ай адамы" түріндегі қуыршақтар, сол сияқты Қар ханшайымы, ергежейлілер және Щелкунчик бейнесіндегі қуыршақтар қарсы алып, жиналғандарға ерекше мерекелік көңіл күй сыйлады.
Еске сала кетейік, кеше елорданың 5 ауданында 30-ға жуық мерекелік шырша жағылды.
