Нұр-Сұлтан қаласының әкімі Алтай Көлгінов Орталық коммуникациялар қызметінде өткен баспасөз мәслихатында соңғы он жылда елорда халқының саны күрт өсіп, бүгінде 1 миллион 200 мыңға жеткенін, осыған сәйкес әлеуметтік нысандар да көбейгенін айтты. Осыдан он жылдай бұрын бас шаһарда оқитын оқушылардың саны 74 мың болса, биыл – 193 мың. Әкімнің болжамы бойынша, алдағы уақытта бұл көрсеткіш 400 мыңға жетуі мүмкін.
"Оқушылардың көптігіне байланысты былтыр 8 мектеп үш ауысыммен оқитын, биыл мұндай мектептердің санын екі есеге азайттық. Биыл 12 мектепті пайдалануға береміз деп жоспарлап, оның жартысының құрылысы аяқталды. Енді алдағы бес жылда кемі 50 мектеп салыну жоспарланып отыр", – деді шаһар басшысы.
Қымбат Тоқтамұрат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
