"22 желтоқсанда сағат 23.30-да "102" қызметіне Бетон зауытының аумағында төбелес болып жатқаны туралы хабарлама келіп түсті. Оқиға орнына полиция қызметкерлері жедел жетті. Төбелес салдарынан ауруханаға екі ер адам жеткізілді. Біреуіне кеуде тұсынан оқ тиген, екінші адам қарын тұсынан пышақ жарақатын алған. Екеуі де көз жұмды. Соңында оқ тиген 24 жастағы тағы бір азамат ауруханаға жеткізілді", – деп жазылған департаменттің баспасөз қызметінің хабарламасында.
Полиция қызметкерлері анықтағандай, ауыр дене жарақатын алып, қайтыс болған екі адам да Қызылорда облысының тумасы, бірінің жасы 39-да, екіншісі 44-те.
Жанжал бір-біріне берген қарыздан туындаған. Оның соңы төбелеске ұласып, араздасушылар бір-біріне оқ атып, пышақ жұмсаған.
"Төбелеске қатысқан 11 адам анықталып, ұсталды. Заттай дәлелдемелер алынды. Аталған дерек бойынша Қылмыстық кодекстің 99-бабы бойынша қылмыстық іс қозғалып, тергеу амалдары жүргізіліп жатыр", – деп жазылған хабарламада.
