Елордада бір отбасы торттан уланып қалды. Қалалық денсаулық сақтау департаменті тексеру жұмыстарын бастады, деп хабарлайды Елорда Инфо.
"Осы жылдың 15 сәуірінде елорданың инфенциялық ауруханасына асқынған ішек инфекциясымен 4 ересек және 1 жасөспірім (10 жаста) жатқызылды. Зардап шеккендер 14 сәуір күні "Happy Cake" дүкенінің тортын жегендерін айтады", – дейді департаменттен.
"Департамент бұған дейінде халықты "Happy Cake" сауда маркасының кремді-кондитерлік өнімдер шығаратын рұқсат етілген құжаттарының жоқтығы туралы хабардар еткен болатын. Осындай оқиғалардың орын алуына тағы бір себеп, кәсіпкерлік субъектілердің ашылған уақытынан бастап 3 жылға дейін тексеруден босатылғандығы ( шағым түспеген жағдайда). Осыған байланысты тұрғындардан кремді-кондитерлік өнімдерді (торт) сатып аларда, оның санитарлық-эпидемиологиялық құжатының болуын талап етуді сұраймыз", – деп департаменттің хабарлайды баспасөз қызметі.
