Астанада бірқатар автобустың қозғалыс бағыты өзгереді. Бұл туралы "Астана LRT" ЖШС хабарлады.
"19 қазанынан бастап, Ш.Айтматов пен Сарайшық көшелерінің қиылысына бағдаршам орнатылатындықтан № 17, 44, 61, 101 қоғамдық бағдарларының бағыты өзгертіледі", – делінген.
Атап айтқанда, № 17, 44 автобустары Қазақ технология мен бизнес университетіне дейін өзгеріссіз, одан әрі: Сарайшық - І. Омаров көшелері, Сығанақ - Ш. Айтматов көшелерімен жүреді.
Сонымен қатар № 61, 101 қоғамдық көліктері № 81 мектеп-лицейінің соңғы аялдамасына дейін өзгеріссіз, ал одан әрі І. Омаров - Сарайшық көшелері, Ш. Айтматов - Сығанақ көшелері бағытында қозғалады.
ҚазАқпарат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
