/img/Group 538png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Елордада битум құйылған бөшкелер өртенді

Елордада битум құйылған бөшкелер өртенді

Өрт себебі анықталып жатыр.  

28 Мамыр 2020 20:31 198

 Елордада битум құйылған бөшкелер өртенді

Нұр-Сұлтанда битум құйылған 20-ға жуық бөшке өртенді, деп хабарлайды қалалық Төтенше жағдайлар департаменті.

«28 мамыр күні сағат 18:46-да Нұр-Сұлтан қалалық Төтенше жағдайлар департаментіне өрт оқиғасы туралы хабарлама келіп түсті. Анықталғандай, Алаш тас жолы, 9 мекенжайында 20-ға жуық битум құйылған бөшкелер өртенген. Әр бөшкенің көлемі 50 литр. Соның салдарынан жақын маңдағы КамАЗ дөңгелегі мен ЗИЛ көлігінің кабинасы зардап шеккен», – делінген департамент хабарламасында.

Өрт сағат 19:10-да ауыздықталды және 19:24-те толық сөндірілді. Оқиғадан ешкім зардап шеккен жоқ.

Елордада оқушы қыз биіктен секіріп кетті

Ол өзіне қол жұмсау мақсатымен зәулім үйдің 16-қабатына көтеріліп, секіріп кеткен деген болжам айтылуда.

03 Қазан 2019 14:38 597

Елордада оқушы қыз биіктен секіріп кетті

Қайғылы жағдай бүгін таңғы сағат 10:30 шамасында №10 қалалық аурухана аумағындағы тұрғын үйлердің бірінде болған.

24.kz хабарлауынша, оқушы қыз өз-өзіне қол жұмсаған болуы мүмкін. Ол өмірімен қош айтысу үшін зәулім үйдің 16-қабатына көтеріліп, секіріп кеткен деген болжам айтылуда. Ал көршілер жантүршігерлік жағдайға қатысты қандай да бір пікір білдіруден бас тартып отыр.

Белгілісі, марқұм бұл үйде тұрмаған, оқиға орнында қыздың күртешесі мен сөмкесі қалған.

«Астана Тазалық» ЖШС-не 120 арнайы техника алынады

Елорда әкімі А. Көлгінов «Астана Тазалық» ЖШС жұмысшыларын  мекеменің құрылғанына 11 жыл толуымен құттықтады

01 Қазан 2019 21:46 707

 «Астана Тазалық» ЖШС-не 120 арнайы техника алынады

Жұмысқа қолайлы жағдай жасап, қала тазалығын одан әрі жақсартып, қолдау мақсатында қосымша 120 бірлік техника алынады, деп хабарлайды қала әкімдігінің баспасөз қызметі.

Арнайы техникалар «Астанаэнергосервис» АҚ-ын таратудан үнемделген қаржы есебінен сатып алынады.

«Кәсіпорын құрылған уақыттан бастап, сіздер өте маңызды міндетті атқарып, елордамыздың тазалығын қамтамасыз етуде үлкен үлес қосып келесіздер. Қыстың аязы мен жаздың ыстығына, қар мен жаңбырға қарамастан таңның атысынан кеш батқанға дейін қала жайлылығы үшін еңбек етіп жүрсіздер.   Сіздердің осы еңбектеріңіз бен осындай жұмыс қабілеттеріңізге қарап, біздің көптеген тұрғындар, әсіресе балалар үлгі алады деп ойлаймын. Алдымыз қыс, жылу маусымы. Жұмыс ауқымы ұлғаяды. Біз сіздерді қашан да қолдаймыз. Қысқы тазалық жұмыстарын жүргізуде жеңіл болу үшін биылғы жылы 120 бірлік жаңа техника сатып аламыз. Біздің жұмысшыларымыздың жұмыс жағдайларының жақсы болғанын қалаймыз», –  деді А. Көлгінов.

Қала әкімі қаланың өсіп, оған қоса тұрғындардың да талабы артып отырғанын айтып, автопарктердің мүмкіндігінше жаңарып отыратынын атап өтті. А. Көлгінов жұмысшыларға атқарып жүрген қиын да күрделі жұмыстары үшін алғыс айтып, денсаулық, отбасылық амандық-саулық тіледі.