Астаналық Жұмыспен қамту орталығы қала тұрғындарын "Еңбек" бағдарламасына қатысып, қысқа мерзімді кәсіби оқытудан өтіп, жұмысқа орналасуға шақырады, деп хабарлайды елорда әкімдігінің ресми сайты.
Қысқа мерзімді кәсіптік оқудан өтіп жатқан бағдарламаға қатысушыларға ай сайынғы 21 787 теңге көлемінде шәкіртақы төленіп, оқу аяқталған соң біліктілігі туралы куәлік беріліп, жұмысқа орналасуға көмек көрсетіледі. Сондай-ақ жұмыссыздар 100 АЕК, 29 жасқа дейінгі жастар, АӘК алатын аз қамтылғандар, көпбалалы отбасылар, мүмкіндігі шектеулі еңбекке жарамды тұлғалардың 200 АЕК мөлшерінде жаңа бизнес идеяларды іске асыруға мемлекеттік грант алу мүмкіндігі бар. Бағдарламаға қатысу үшін жеке куәлік, білімін растайтын диплом, еңбек кітапшасының түпнұсқасы мен көшірмелерін ұсыну керек. Толық ақпаратты Нұр-Сұлтан қаласы, Бейбітшілік к-сі 25 мекенжайы бойынша орналасқан Халықты жұмыспен қамту орталығынан білуге болады.
