"Бүгін ерекше қажеттіліктері бар жандарға әлеуметтік және оңалту қызметтерін көрсететін түрлі қоғамдық ұйымдардың өкілдерімен кездестім. Онда инватакси, протездік-ортопедиялық көмек, санаторий-курорттық емдеу, оңалту орталықтарының желісін кеңейту және т.б. мәселелер көтерілді. Биыл инватакси санын 2 есеге арттыруды жоспарлап отырмыз. Осылайша ерекше қажеттіліктері бар жандарды көбірек қамти аламыз. Кездесу барысында көтерілген мәселелерді шешу жұмысы қолға алынды, ал жүйелі мәселелер бойынша министрліктермен жұмыс істейтін боламыз", - деді қала әкімі.
Жеңіс Қасымбектің сөзінше, бүгінде қалада мүмкіндігі шектеулі 27 мыңнан астам адам оңалту көмегін алып жатыр. Оның ішінде 7 мың бала бар.
"Елордада бірқатар әлеуметтік тұрғын үйлер салып жатырмыз. Олардың бірінші қабаттарында әлеуметтік нысандар ашылады: балалар орталықтары, медициналық нысандар, оңалту орталықтары", - деп атап өтті ол.
