"Елордадағы ауқымды жобалардың бірі – "№3 көпсалалы қалалық аурухананың" "Ramada Plaza" ғимаратына көшуі. Ескі теміржолшылар ауруханасының аумағына жаңа перинаталдық орталық салынады. Себебі бұл шағын ауданда аталмыш мәселе (Сарыарқа ауданы) өте өзекті. Бұдан бөлек Алматы ауданында "№1 көпсалалы қалалық ауруханасының" жанында тағы бір перинаталдық орталық бой көтереді", - деді әкім.
Шаһар басшының хабарлауынша, бірқатар медицина мекемелеріне жөндеу жүргізілмек. Бұдан бөлек "Жағалау-3" және "Нұрлы жол" вокзалы ауданында амбулаториялық-емханалық кешендердің, Көктал-1, Пригородный, Телман және т.б. елді мекендерде алғашқы медициналық-санитарлық көмек орталықтарының құрылысы жоспарланған көрінеді.
"Соңғы үш жылда 40 "Үй жанындағы дәрігер" нысаны ашылды. Оның ішінде 7-еуі елді мекендерде орналасқан. Жыл аяғына дейін тағы 10 нысан ашуды жоспарлап отырмыз. Оған да жеке инвестицияларды тартамыз", - деп жазды Алтай Көлгінов.
Бұдан бөлек әкім кадрларды тарту үшін арнайы гранттар бөлінетінін де атап өтті. Мәселен, биылғы оқу жылында 250-ге жуық грант бөлінген екен. Сонымен қатар медицина қызметкерлеріне арнап жатақхана салу жоспарланған.
