Елордада карантин шараларын сақтауды қадағалайтын мобильді топтардың жұмысы күшейтілді

652

Карантин шараларын үнемі бұзатын кәсіпкерлік субъектілерінің қызметін уақытша тоқтата тұру мәселесі қаралатын болады.

Елордада карантин шараларын сақтауды қадағалайтын мобильді топтардың жұмысы күшейтілді

Нұр-Сұлтан қаласы әкімінің орынбасары Бақтияр Мәкеннің төрағалығымен коронавирус инфекциясымен күрес жөніндегі жедел штаб отырысы өтті, деп хабарлайды елорда әкімдігінің ресми сайты.

Күн тәртібінде қаладағы эпидемиологиялық жағдай мәселелері және мобильді топтардың жұмысын күшейту, сондай-ақ жылыту маусымы кезеңінде өрт қауіпсіздігінің алдын алу мәселелері талқыланды.

Жалпы елорда короновирус инфекциясы бойынша сары, қауіпті аймаққа кіреді. Сондықтан ерекше назар аударуды талап етеді.

Жүргізілген тексеріс нәтижесінде ШОБ субъектілері тарапынан карантин шаралары мен санитарлық ережелер бірнеше рет сақтамалмаған.

"Осыған байланысты, құқық қолдану практикасы және ескертуді азайту мақсатында карантин шараларын үнемі бұзатын кәсіпкерлік субъектілерінің қызметін уақытша тоқтата тұру мәселесі қаралатын болады", – деп атап өтті отырыс барысында Нұр-Сұлтан қаласы әкімінің орынбасары Бақтияр Мәкен.

Сондай-ақ отырыс барысында салынған тыйымға қарамастан, кейбір ойын-сауық мекемелері өз қызметін жүзеге асыруды жалғастыруда. Ал мобильді топтар өкілдері объектіге кіріп, бұзушылықтарды тіркей алмайды, өйткені күзет кіруге кедергі келтіреді немесе объект өз қызметін жабық есік режимінде жүзеге асырады.

Нұр-Сұлтан қаласы әкімінің орынбасары Б.Мәкен атап өткендей, COVID-19-дың таралуын тежеу үшін шетелден және басқа облыстардан келушілерді ПТР-тестілеуден бұрынғыдай өткізу қажет. Сондай-ақ карантин режимі мен санитарлық нормалардың сақталуын тексеретін мобильді топтардың жұмысын күшейту тапсырылды. Сонымен қатар әлеуметтік нысандарды, кәсіпкерлік субъектілерін және т.б. дезинфекциялауды үнемі жүргізу маңызды. Халық қарапайым ережелерді елемей, адамдар өз өмірлеріне ғана емес, отандастарына да қауіп төндіретінін есте ұстай отырып, бетперде тағу қажет.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу