Оның айтуынша, өңірлік кеңестің 2021-2022 жылдарға арналған жұмыс жоспарына сәйкес негізгі міндеттердің бірі кәсіпкерлердің мәселелерін жүйелі талдау және оларды шешу бойынша ұсынымдар әзірлеу болып саналады.
"Мысалы, 2021-2022 жылдары өңірлік кеңесте жалпы 73 мәселе, оның ішінде бизнестің 48 мәселесі қаралды", – деді Болат Омаров Нұр-Сұлтан қаласы кәсіпкерлер палатасы өңірлік кеңесінің бизнес-қоғамдастық алдындағы есептік кездесуінде.
Сондай-ақ Болат Омаров 2022 жылғы 1 тоқсанның қорытындысы бойынша елорданың әлеуметтік-экономикалық дамудың негізгі көрсеткіштеріне тоқталды.
"Биыл 1 сәуірдегі жағдай бойынша қалада 168,3 мың кәсіпкерлік қызмет субъектісі жұмыс істеп тұр. 2019 жылы бұл көрсеткіш 134,4 мың, 2020 жылы – 144,7 мың, 2021 жылы – 163 мың болған. Сонымен қатар ШОБ-та жұмыспен қамтылғандардың оң динамикасы байқалып отыр. 415 925 адам немесе 2021 жылмен салыстырғанда өсім 72%, 2020 жылмен салыстырғанда – 12,4%", – деді өңірлік кеңестің басшысы.
Дәурен Ерболат
