Елордада Қазақстандағы алғашқы Ozon фулфилмент-орталығы ашылды

2532

Астана қаласының әкімі Жеңіс Қасымбек Instagram парақшасында шағын және орта бизнес туралы мәлім етті, деп хабарлайды inbusiness.kz әкімдіктің ресми сайтына сілтеме жасап.

Елордада Қазақстандағы алғашқы Ozon фулфилмент-орталығы ашылды Фото: google

"Елордамыздың экономикасының негізін шағын және орта бизнес құрайды. Қала тұрғындары мен қонақтары олардың қызметін күн сайын пайдаланады. Сол себепті біз кәсіпкерлерге қолдау көрсету, жеке инвестициялар тарту, қаланың бизнес-ахуалын одан әрі жақсарту бойынша үлкен жүйелі жұмыс жүргізіп келеміз.

Биыл 25 инвестициялық жобаны іске қосуды жоспарлап отырмыз. Мәселен бұл жобалардың арасында өнеркәсіп, логистика, медицина, білім беру, спорт, агроөнеркәсіптік кешен және т.б. бар. Бұл жобалар елорда экономикасына шамамен 87 млрд теңге жеке инвестиция тартуға, тұрақты жұмыс орындарын ашуға мүмкіндік береді.

Вице-премьер – Сауда және интеграция министрі Серік Жұманғаринмен бірге Ozon фулфилмент-орталығын аштық. Бұл – кәсіпкерлерге онлайн-бизнесті кеңейтуге мүмкіндік беретін ірі логистикалық хаб. Онда 9 млн-ға дейін түрлі тауарларды сақтауға болады: азық-түлік, электроника, құрылыс материалдары және т.б. Аталған фулфилмент-орталық 40 млрд теңге жеке инвестиция тартуға мүмкіндік берді", деп жазды елорда әкімі.

Сондай-ақ, бас шаһардың әкімі қалада жеке қаражат есебінен әлеуметтік нысандардың (мектептер, балабақшалар, медициналық орталықтар), зауыттардың, логистикалық орталықтардың, өндірістік-тамақ кешенінің (нан зауыты, сүт өңдеу зауыты, көкөніс қоймасы) және т.б. құрылысы жүріп жатқанын атап өтті.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу