Әкімдік ақпаратына сүйенсек, эко-айлық аясында 2 жалпықалалық (16 және 23 сәуір) және 2 коммуналдық сенбілік (30 сәуір және 14 мамыр) өткізіліпті, оған 160 450 адам, 11 288 кәсіпорын, ұйымдар мен мекемелер қатысқан.
"Елорданың ҚТҚ полигондарына 3 647,54 тонна қалдық шығарылды. Жалпы ауданы 2,7 млн. м2 астам саябақтар мен гүлзарлар тазартылды",- деп жазылған хабарламада.
Коммуналдық қызметтермен және мердігерлік ұйымдармен келесі жұмыстар жүргізілген:
- рұқсат етілмеген стихиялық үйінділерді жою;
- жасыл желектерді отырғызу;
- кварталішілік абаттандыру, балалардың ойын және спорт алаңдарын жабдықтау, төселген тастарды, жиектастарды, шағын сәулет нысандарын және т. б. қалпына келтіру.;
- инженерлік желілер мен коммуникацияларда жөндеу жұмыстарын жүргізу кезінде абаттандырудың бұзылуын жою;
- конструкцияларды, көпірлер мен жол өтпелерінің қоршауларын жуу, аялдамалардағы павильондарды ағымдағы жөндеу және тазалау;
- жол төсемінің зақымданған учаскелерін және жаяу жүргіншілер өткелдерін ағымдағы (шұңқырлы) жөндеу;
- ҚТҚ арналған контейнерлер мен контейнерлерлік алаңдарды санитарлық тазалау;
- кабель желілерін сәйкестендіру, көше және саябақ жарықтарын бояу және жуу.
Сонымен қатар, айлық аясында 27 мыңға жуық көшет отырғызылған.
