Сағат 03.00 шамасында Тұран көшесінде, “Керемет” моншасының жанында полиция қызметкерлері Hyundai Accent автокөлігін тоқтатты, деп жазады inbusiness.kz ІІМ ақпарат агенттігіне сілтеме жасап.
Тексеру кезінде 32 жастағы әйелдің мас күйінде көлік жүргізгені анықталды. Сонымен қатар жүргізуші 2019 жылы жол-көлік оқиғасы болған жерден кетіп қалғаны үшін бір жыл мерзімге көлік құралын басқару құқығынан айырылғаны белгілі болды.
Алайда ол жүргізуші құқығынан айыру мерзімі өткеннен кейін жүргізуші куәлігін алу рәсімінен өтпей, көлікті басқаруды жалғастырған.
Құқық бұзушыға қатысты ҚР ӘҚБтК-нің 608-бабының 8-бөлігі бойынша әкімшілік іс қозғалды. Автокөлік коммуналдық тұраққа қойылды. Сот шешімімен әйелге 612 мың теңге көлемінде айыппұл салынды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
