Нұр-Сұлтандағы көпір құрылысын аяқтау жұмыстарына шамамен 1,2 млрд теңге жұмсалуы мүмкін, деп хабарлайды inbusiness.kz тілшісі.
"Тапсырыс беруші – "Нұр -Сұлтан қаласының көлік және жол-көлік инфрақұрылымын дамыту" басқармасы мемлекеттік мекемесі. Атауы – автокөлік көпірінің құрылысы бойынша құрылыс жұмыстары; қосымша сипаттама Астана қаласының N27 көшесінің бойында Есіл өзені арқылы өтетін көпір құрылысы (нысанды аяқтау жұмыстары). Жоспарланған сома – 1 180 856 010", – деп жазылған мемлекеттік сатып алу порталында жарияланған лоттың сипаттамасында.
Байқауға қатысуға өтінімдерді қабылдау басталды және 7 қыркүйекте аяқталады.
"Жұмыс жобасының мақсаты-көлік құралдары мен жаяу жүргіншілердің жыл бойы, Есіл өзені арқылы үздіксіз және қауіпсіз қозғалысын қамтамасыз ету. Эстетикалық тұрғыдан алғанда, көпір- Астана қаласының айналасындағы ландшафтың сәні", – деп жазылған байқаудың техникалық шарттарында.
