Елордада күніне 300-600 адам коронавирус жұқтырып жатыр

Елордада күніне 300-600 адам коронавирус жұқтырып жатыр

29 Сәуір 2021 12:03 287

Елордада күніне 300-600 адам коронавирус жұқтырып жатыр
Қалада эпидемиологиялық жағдай тұрақсыз. 

Елордада күніне коронавирус жұқтырудың 300-600 жағдайы тіркеліп жатыр. Бұл туралы Нұр-Сұлтан қаласының бас санитар дәрігері Сархат Бейсенова айтты, деп хабарлайды inbusiness.kz тілшісі.

«Қала 1,5 ай бойы «қызыл аймақта» тұр. Күніне коронавирус жұқтырудың 300-600 жағдайы тіркеліп жатыр. Нұр-Сұлтанда эпидемиологиялық жағдай тұрақсыз», - деді Сархат Бейсенова елорда әкімдігінде өткен баспасөз мәслихатында.

Оның айтуынша, жыл басынан бері қала бойынша ауырғандар саны 60 мыңнан асқан.

«Пандемия басталғалы бері елордада COVID-19-ды жұқтырудың 44 562 дерегі тіркелді», - деді Нұр-Сұлтан қаласының бас санитар дәрігері.
Сонымен қатар ол қалада сырқаттанушылық көрсеткіші төмендегенін атап өтті.
«Соңғы 6 күнде қалада 100 мың тұрғынға шаққанда апталық сырқаттанушылық көрсеткіші 320-дан 285-ке дейін төмендеді. Мәселен, бір аптада коронавирус жұқтырудың 3 371 дерегі тіркелді. Өткен аптамен салыстырғанда сырқаттанушылық көрсеткіші 11%-ға төмен», - деді Сархат Бейсенова.

Нұр-Сұлтан қаласының бас санитар дәрігері COVID-19 жұқтырған науқастармен байланыста болған 5 572 адам бақылауда екенін жеткізді.

Сондай-ақ ол қала тұрғындарына карантин талабын қатаң сақтап, маска тағып, адам көп жиналатын орындарға бармауға кеңес берді.

Айта кетейік, Нұр-Сұлтанда 44 562 адам коронавирус жұқтырды, 38 175 науқас дертінен айықты.

Еліміз бойынша жалпы 3638 адам аурудан қайтыс болды.

Дәурен Ерболат

158486

Ұқсас материалдар:

ontustikten-soltustikke-koshuge-beriletin-subsidiya-molsheri-artady

kyzylordada-6-zhasar-bala-zhogalyp-ketti

kolik-salasynyn-zannamasy-zhetildiriledi

zelenskij-putindi-vatikanda-kezdesuge-shakyrdy

bokstan-aziya-chempionaty-nyu-deliden-dubajga-auystyryldy

загрузка

×