/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Елордада мектепке дейінгі мекемелердегі тәрбиешілер біліктілігін арттырып жатыр

Елордада мектепке дейінгі мекемелердегі тәрбиешілер біліктілігін арттырып жатыр

Айта кетейік, елордалық мектепке дейінгі ұйымдарда 3 092 тәрбиеленуші жұмыс жасайды. 

09 Қараша 2019 13:52 430

Елордада мектепке дейінгі мекемелердегі тәрбиешілер біліктілігін арттырып жатыр

2019 жылы жаңартылған білім беру бағдарламасы бойынша қаланың 149 тәрбиешісі біліктілігін арттыру курсынан өтті, деп хабарлайды қала әкімдігінің ресми сайты.

Қалалық білім басқармасы елорданың барлық педагогтарының, соның ішінде мемлекеттік және жекеменшік балабақшалардағы тәрбиешілерінің біліктілігін арттыру курстарын тұрақты түрде өткізеді.

Мәселен, жаңартылған білім беру бағдарламасы бойынша 2019 жылы 149 тәрбиеші біліктілікті арттыру курсынан өтті. 2016-2019 жылдар аралығында «Өрлеу» БАҰО АҚ қысқа мерзімді курстарда мектепке дейінгі білім берудің 3398 педагогы оқыды, оның ішінде 135 дене шынықтыру мұғалімі, 2895 тәрбиеші, 140 әдіскер, 26 музыка мұғалімі, 53 ағылшын тілінің мұғалімі, 97 психолог, 52 қазақ тілінің мұғалімі. «Өрлеу» РИПКСО-да 71 меңгеруші менеджмент курсынан өтті.

Назарбаев Университетімен ынтымақтастық аясында 2018 жылы балабақшалардың 25 меңгерушісі «Білім берудегі көшбасшылық» курстарымен қамтылды. Сонымен қатар, елордада тұрақты негізде әртүрлі кәсіби жұмыстар мен конфликтология курстары өткізіледі. Қала бойынша мектепке дейінгі ұйымдарда бейнебақылау камералары белсенді енгізілуде және жаңартылуда.

Бүгінгі таңда балабақшаларда 2465 бейнебақылау камерасы орнатылған, оның 1050-і биыл қосылды. 2020 жылы тағы 2000-нан астам камераны орнату және ауыстыру жоспарланып отыр.

Бұл ата-аналардың баласын кɵрiп, бақылап отыруына, қажет жағдайда тиiстi шешiм қабылдауына мүмкiндiк бередi.

Айта кетейік, елордалық мектепке дейінгі ұйымдарда 3 092 тәрбиеленуші жұмыс жасайды.

Екінші баладан бастап балабақша тегін болады

Алматыда аз қамтылған отбасыларға осындай жағдай жасалмақ.

20 Ақпан 2019 12:38 771

Екінші баладан бастап балабақша тегін болады

Алматыда аз қамтылған отбасылар үшін балабақша екінші баладан бастап тегін болады, деп хабарлайды Интерфакс-Қазақстан. 

Мұндай отбасылардың балалары оқу озаты болса, оларға шәкіртақы төленеді. 

«Бақытты отбасы» арнайы әлеуметтік бағдарламасының аясында аз қамтылған отбасылардың екінші баласынан бастап балабақша тегін болады»,– деді қала әкімі Бауыржан Байбек халыққа есеп беру кездесуінде. 

Оның айтынша, бүгінгі күні Алматыда аз қамтылған отбасылардың 14 мыңнан астам баласы мектепте тегін тамақтанады, 3475 отбасы мектеп формасын, 2333 отбасы қаржылық көмек, 4050-і жазғы лагерьге жолдама алған. 

Сонымен қатар қала басшысы жаңа бағдарлама аясында аз қамтылған отбасының оқу озаты болған баласына шәкіртақы төленетін болады деп отыр.       

«Бұл білім алуға деген ұмтылысты ынталандырады. Университет пен колледж студенттеріне 10 мың теңгеден, ал оқушыларға 5 мың теңгеден беріледі», – деп атап кетті әкім.

Оралда балабақшаның төбесі опырылды

«Золотой петушок» балабақша-яслиі шатырының бір бөлігі қирап, ортасына түскен.

13 Ақпан 2019 07:08 391

Оралда балабақшаның төбесі опырылды

Оралда қардың жиналып қалуына байланысты балабақшаның төбесі құлады, деп хабарлайды ҚазАқпарат.

 БҚО ТЖ департаментінің баспасөз қызметінен түскен мәліметке қарағанда, оқиға 12 ақпан күні сағат 08.20-да болған. Т.Масин көшесі 44-мекенжайында орналасқан №19 «Золотой петушок» балабақша-яслиі шатырының бір бөлігі опырылған. Оның көлемі – 35 шаршы метр. Төбенің жалпы алаңы – 500 шаршы метр.

Зардап шеккендер жоқ. Оқиға орнына ТЖ департаментінен 3 қызметкер бір техникамен барды. Сондай-ақ, Орал қаласы тұрғын үй-коммуналдық шаруашылығы және білім беру бөлімдерінің өкілдері болды.