19 қаңтар күні кешкі сағат 19:00-де Мемлекеттік академиялық филармонияда КСРО және ҚР Халық әртісі, Мемлекеттік сыйлықтың лауреаты Еркеғали Рахмадиевтің вокалдық шығармашылығына арналған "Таң самалы" концерті өтеді.
Бір апта көлемінде "Жастар" сарайында "Өнер фонтаны" интуитивті кескіндеме бойынша суреттер көрмесі мен шеберлік сыныптары өтеді.
21 қаңтар күні кешкі сағат 20:00-де сарай сахнасында Глеб Самойлов "Агата Кристи" тобының 35 жылдығына арналған бағдарламамен өнер көрсетеді.
17 қаңтар күні түстен кейін "АЛЖИР" мұражай-мемориалдық кешені "Лагерьде атылған әйелдер..." атты дәріс өткізеді. 19 қаңтар күні "Ұрпақтар жадында" көрмесі ашылады.
18 қаңтар күні сағат 11:00-де "Атамекен" Қазақстан Картасы" этно-мемориалдық кешенінде Ахмет Байтұрсыновтың туғанына 150 жыл толуына орай дөңгелек үстел ұйымдастырылады.
20 қаңтарға дейін Сәкен Сейфуллин мұражайында "Сәкен және Гүлбаһрам" фотосуреттер көрмесін тамашалауға болады. 17 қаңтарда ТМД халық шығармашылығы және мәдени мұра жылына арналған дәріс, 18 қаңтарда Күләш Ахметованың "Сәкенің қарашаңыры" мақаласы негізінде дәріс, 19 қаңтарда "Ұлт мақтанышы" деректі фильмі көрсетіледі. 20-24 қаңтар аралығында мұражайдың ашылғанына 35 жыл толуына орай "Латын және төбе қарпімен жазылған Сәкен шығармалары" көрмесі ұйымдастырылады.
М. Горький атындағы Мемлекеттік академиялық орыс драма театрында осы аптада төрт қойылым көрсетеді: М.Макдонахтың "Жастық адам" детективі, Р.Баердің "Аралас сезімдер" мелодрамасы, М.Супониннің "Ешкі-Дереза" ертегісі, В.Шукшиннің "Светлые думы" әңгімелері бойынша сахналық қойылым.
20-22 қаңтарда қуыршақ театрында М.Арғымбаеваның "Элвин және сиқырлы орман тұрғындары" қойылымын тамашалауға болады.
21 қаңтар күні сағат 19:00-де "Жастар" театрында Д.Фо, А. Рахат, Л. Егембердиеваның "Мұң" премьералық драмасы көрсетіледі. Бұдан бөлек Н.Жақыпбайдың "Жанарымдағы жалғызым әуен" атты театрландырылған концерттік бағдарламасы өтеді.
Nomad City Hall залында 18 қаңтарда астаналықтарға "Алаш жолы" спектаклі, ал 20 қаңтарда "Ричард III" қойылымы ұсынылады.
Музыкалық жас көрермен театрында 19 қаңтарда "Шанель №5" деректі драмасы, "Шәмші" мюзиклі, ал 22 қаңтарда "Махаббат бар ма?" комедиясы көрсетіледі.
Бұдан бөлек қалалық кітапханаларда көрнекті қайраткерлердің өнері мен шығармашылығына арналған танымдық сағаттар өткізіледі.
