Тәртіп сақшылары қоғамға қарсы іс-әрекеттерді анықтау мақсатында аулаларды, саябақтарды, алаңдар мен жастар шоғырланатын басқа да орындарды тексеріп шықты.
Осылайша, полицейлер түнде қалада заңды өкілдерінің еріп жүруінсіз қыдырған кәмелеттік жасқа толмаған жасөспірімдерді анықтады.
Сағат 23:40-та Нұр-Сұлтан қаласы "Байқоңыр" ауданының ПБ ювеналдық полиция қызметкерлері Луи Пастер көшесі бойынша әкімшілік учаскені тексеру барысында сағат 23:00-ден кейін сыртта жүрген 16 жастағы бойжеткенді анықтады.
Аталмыш факті бойынша кәмелеттік жасқа толмаған бойжеткеннің заңды өкілінің қатысуымен ҚР ӘҚБтК-нің 2-бөлімі 442-бабы бойынша әкімшілік хаттама толтырылды.
Нұр-Сұлтан қаласы ПД Жергілікті полиция қызметінің басқарамасының бастығы Арман Айтмағамбетовтың айтуынша, демалыс күндері сағат 23:00-06:00 аралығында кәмелетке толмағандардың заңды өкілдерінсіз үйден тыс жерде жүруіне қатысты 50 азамат әкімшілік жауапқа тартылды.
Сонымен қатар рейд барысында балалардың құқықтарын бұзу фактілерін анықтау мақсатында нысандар тексерілді, олармен әкімшілік және қылмыстық заңнама нормаларын түсіндіру бойынша алдын алу мақсатында әңгіме жүргізілді.
Тәртіп сақшылары ата-аналар мен мекеме иелері кәмелетке толмағандардың заңды өкілдерінің еріп жүруінсіз тұрғын үйден тыс жерде болғаны үшін әкімшілік жауапқа тартылатынын еске салады.
