Елорда әуежайында 32 рейс шегерілді. Ақтүтек боран салдарынан 17 әуе кемесінің ұшып келуі кешігіп жатса, 15 рейс ұша алмай тұр. Ішкі бағыттардан бөлек, Мәскеу, Омбы, Тәшкен, Киев, Ұланбатор қалаларына қатынайтын рейстер де тоқтатылды.
Төтенше жағдай қызметінің мамандары алыс жолға шығудан сақтандырып, оның қауіптілігін ескертуде.
Кешелі бері елорда мен маңайында 35 жол апаты болып, 19 адам құтқарылыпты.
Жалпы қалың қар мен ақ боран еліміздің 9 облысында күре жолдардың жабылуына түрткі болған. Көшелерде көп техника жұмылдырылса да, адамдарға аяқ алып жүруге қиындық тудыруда.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
