Жобаның бірінші кезегі ЖЭО-1,2,3, Көктал-1,2, Железнодорожный кенті, Оңтүстік-Шығыс (оң және сол) дейін газ тарату желілеріне газ беруді көздейді. 1 кезең аяқталған соң 13,5 мың үйдің тұрғындары газға қол жеткізе алады, деп хабарлайды әкімдіктің баспасөз қызметі.
Жобаның екінші кезегіне сәйкес Мичурино, Интернациональный, Күйгенжар (1-2 ПК), Тельман (3 ПК), Пригородный, Garden Village, Family Village (4 ПК) елді-мекендері газбен қамтылады.
Үшінші кезекте Ильинка (1-2-ші ДК), Шұбар (3-ші ДК), Өндіріс (4-ші ДК) елдімекендері газдандырылады. Газ тарату желілері көше желісі бойынша жүргізіледі.
Жеке сектордың тұрғындары өздері көше желісінен үйлерге тікелей газ қоса алады.
Қалаға газ өткізу нәтижесінде қаладағы зиянды шығарындылар 6 есеге, қатты заттар 40 мың тоннаға азайтуға мүмкіндік береді.
