/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 406,30 Brent 36,55
Елордада су басу қаупі толық сейілді

Елордада су басу қаупі толық сейілді

Есіл сағасын 100 метрге дейін кеңейту жұмысы жүргізіліп жатыр. 

11 Сәуір 2020 12:08 209

Елордада су басу қаупі толық сейілді

Төтенше жағдайлар департаментінің бастығы Бауыржан Сыздықов  Нұр-Сұлтан қаласындағы су тасқыны жағдайын мәлім етті.

«Астана» су қоймасының сыйымдылығы 410 млн тоннаны құрайды. Ал су реттегіш қорғаныс дамбасының су қабылдау қауқары 450 млн тонна. Бүгінгі күні ол жерде небәрі 0,6% ғана су қоры бар. Әуежайдың жанындағы Майбалық көліндегі су қорын 18 млн тоннаға азайтып отырмыз. Егер еріген қардың суы келетін болса, Майбалық көлі суды толыққанды қабылдай алады. Майбалық көлінен Нұра-Есіл каналына дейін түсетін су ағызу каналы бар. Қазір ол каналдың да су өткізу мүмкіндігі 100% дайын», – деді департамент бастығы.

Бауыржан Сыздықовтың айтуынша, қаладағы су басу қаупі болған 37 аумақта бүгінгі күні еш қауіп жоқ.

«Қала көлемінде 37 су басу қаупі бар аумақ болған. Бүгінгі таңда осы аумақтың барлығында су басу қаупі толықтай сейілді деп айта аламын. Қаланың қыста қардан тазалануы арқасында, қазіргі кезде ешқандай қауіп-қатер жоқ. Дегенмен Есіл өзенінің сағасын 100 метрге дейін кеңейту жұмысы жүргізіліп жатыр. Биыл су реттеуішті жөндеу жұмыстары жоспарланған. Ол жұмыс біткен жағдайда су реттеуіштің тасқын су қабылдауы мен ұзақ мерзімге сақтау қабілеті жоғарылайды», – деді ол.

Нұржан Көшкін

Өзендердегі мұзды жаруға 14 тонна жарылғыш зат қолданылды

Мұз кептелісін болдырмау үшін сақтық шаралары жалғасуда.

24 Наурыз 2020 14:16 259

Өзендердегі мұзды жаруға 14 тонна жарылғыш зат қолданылды

Бүгін төтенше жағдайлар комитетінде Ішкі істер министрінің орынбасары елімізде су тасқынының алдын алу үшін қандай сақтық шаралары қарастырылып жатқаны туралы баяндады, деп хабарлайды polisia.kz.

Ю.В. Ильиннің айтуынша бүгінде министрлікте жалпы саны жеке құрамнан 9 мың адам және 1,5 мыңнан астам бірлік техникадан тұратын арнайы күштер мен құралдар тобы құрылған.

«Су тасқыны жағдайы ықтимал күрделенген кезге басқа өңірлердің  қосымша жеке құрамнан – 2 044 адам, 214 бірлік – техника, 30 – жүзу құралы және 86 мотопомпа күштері мен құралдары жедел ден қою үшін әзірлікте тұр»,– тұр дейді ол.

Елімізде жалпы 16 наурыздан бастап жергілікті және республикалық маңызы бар автожолдарды су басуға қатысты 5 жағдай тіркеліпті (Ақмола – 2, Солтүстік Қазақстан облысы – 3). Қазір бәрі қалыпқа келтірілген.

Ауа температурасының жоғарылауына байланысты, өзендерде мұз көбесі сөгіліп, сең жүр бастады. Мұз кептелісін болдырмау үшін сақтық шаралары жасалуда.

«14 тонна жарылғыш заттарды қолдана отырып, 123 мұз жару жұмыстары жүзеге асырылды (Шығыс Қазақстан – 11, Қарағанды – 6, Қостанай-13, Солтүстік Қазақстан – 6 және Ақмола -87 облыстары). 11 мың шақырым арықтарды және арналарды тазалау жұмыстары жүргізілді. 15 мың текше метр қар шығарылды. Автомобиль жолдарында 25 мың және теміржолдарда – 5 мың су өткізу құрылыстары тазартылды. Ақмола (Астана, Сілеті және Шағалалы су қоймаларында), Қарағанды (Самарқанд, Ынтымақ, Шерубай-Нұра су қоймаларында), Солтүстік Қазақстан (Сергеевское және Петропавл су торабы) облыстарындағы су қоймаларында қажетті бос көлемдерді құру жұмыстары жалғасады»,– дейді министрдің орынбасары.

Сондай-ақ, өңірлерде 165,3 шақырым қорғау бөгеттерін салу және жөндеу, 417,2 шақырымда су тасқыны қаупі бар өзен жағаларын бекіту, түбін тереңдету, түзету, 186,7шақырымда су бұру арналарын орнату бойынша су тасқынына қарсы жұмыстар жалғасып жатыр.

«Су тасқынының алдын алу және олардың салдарын жою үшін 14 мың тонна жанар-жағармай, 190 мың тонна инертті материалдар, бір миллионнан астам қап және 51 тонна көлемінде жарылғыш заттар қоры дайындалды»,– дейді ІІМ-нен.

Жолдар бақылауға алынды

Су басу қаупі төніп тұрған республикалық маңызға ие жолдардың 400-ден астам учаскесі ерекше бақылауға алынды.

03 Наурыз 2020 11:04 273

Жолдар бақылауға алынды

Қазіргі таңда су басу қаупі төніп тұрған 464 жол учаскесі, 66 көпір мен 852 су өткізгіш құбыр Автомобиль жолдары комитетінің бақылауына алынған, деп хабарлады ИИДМ баспасөз қызметі.  

«Жол қызметтері тәулік бойы кезекшілік ұйымдастырып, автожолдар мен жол құрылыстарына күн сайын патрульдеу жүргізеді. Су тасқыны кезеңінде жұмыстарды уақытылы ұйымдастыру үшін жанар-жағар майдың 644 тоннасы, құмның 8,1 мың, тастың 6,8 мың, қиыршық тастың 17,2 мың текше метрі, 45,5 мың дана қап, 25 дана темір-бетонды құбыр дайындалды. Жалпы дайындық 90% құрайды. Су өткізгіш құбырларды және көпір арналарын қардан тазалау жұмыстары басталып кетті. Су басу қаупі төніп тұрған нысандарда жол-пайдалану техникасының 883 бірлігі бекітілген»,– делінген хабарламада.

Былтыр республикалық маңызы бар автомобиль жолдарының қозғалыс бөлігі су астында қалуының 38 оқиғасы тіркелген болатын. Әсіресе Қарағанды облысындағы жолдар суда қалды, өңірде осыған қатысты 26 оқиға тіркелген еді. Ал Ақмола облысында – 7, Шығыс Қазақстан мен Павлодар облыстарында – 2, Солтүстік Қазақстан облысында 1 оқиға тіркелді.

Осының салдарынан жол жиектері, жасанды құрылыстар бұзылған болатын. Келтірілген залалдың жалпы сомасы 90,3 млн теңгені құрады.