Елордада төбелескен футболшыларға әкімшілік іс қозғалды

919

Нұр-Сұлтан қаласында өткен футбол турнирінде ойыншылар арасында төбелес шықты, деп хабарлайды inbusiness.kz порталы қалалық Полиция департаментінің баспасөз қызметіне сілтеме жасап.  

Елордада төбелескен футболшыларға әкімшілік іс қозғалды

Кешелі бері әлеуметтік желіде футболшылардың ойын барысындағы төбелесі тарап жатыр.

"11 қыркүйек күні Тұран даңғылындағы "Сайран Арена" футбол алаңында "San Set" және "Барыс" әуесқой футбол клубы арасында жоспарланған матч өтті. Ойын барысында футболшылар арасында жанжал туындаған. Орын алған оқиғаға қатысты полицияға хабарлама келіп түскен соң, жанжалға қатыстылар "Есіл" аудандық Полиция басқармасына жеткізілді. Кінәлілерге қатысты әкімшілік іс қозғалды", - делінген хабарламада.

Сондай-ақ қалалық ПД-нің мәліметінше, іс сотқа жөнелтілді және жанжалға қатыстылармен профилактикалық әңгіме өткізілді.

 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу