Нұр-Сұлтан қалалық прокуратурасының мәліметінше, төтенше жағдай режимі жарияланған сәттен бастап астаналық құқық қорғау органдарымен 85 адам жауапкершілікке тартылған.
Оның 24-і заңсыз кәсіпкерлік қызметпен айналысқаны үшін (маска мен антисептиктерді саудалағаны үшін) ӘҚ Кодексінің 463-бабы бойынша; 60 адам төтенше жағдай ережесін бұзғаны үшін ӘҚ Кодексінің 476-бабы бойынша; 1 адам ӘҚ Кодексінің 478-бабы бойынша (ТЖ кезінде құқықтық тәртіпті бұзған арандату әрекеті үшін) әкімшілік жауапкершілікке тартылды.
Сонымен қатар, 23 наурызда төтенше жағдай режимін бұзып, Нұр-Сұлтан қаласының карантиндік аумағының шекарасын кесіп өтуге тырысқан екі азамат ұсталды.
Құқықбұзушылар оқиға орнында ұсталып, әкімшілік жауапкершілікке тартылды.
