Астанада жас жігіт университетке құжат тапсыруға келіп, баян музыкалық аспабын ұрлап кеткен. Бейнебақылау камерасы арқылы ол көп ұзамай қолға түсті, деп хабарлайды inbusiness.kz сайтының тілшісі.
Тергеу барысында ұсталған 18 жастағы жігіт іс-шараларда музыкант болып жұмыс істегенін және оған аспап керек болғанын айтқан. Ол құжат тапсырған күні университеттің аудиторияларының бірінен баянды байқап қалып, оны алып кетуге шешім қабылдапты.
"Ол өз әрекетімен 150 мың теңге көлемінде материалдық залал келтіріп, ұрланған құрал тәркіленіп, білім беру мекемесіне қайтарылды. Полиция бөтеннің мүлкін иемдену қылмыс ретінде сараланып, қылмыстық жауапкершілікке әкеп соғатынын ескертеді", – делінген хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
