Бұл бастама туралы Green TAL шеберханасының жетекшісі, әлеуметтік кәсіпкер Эмин Әскеров Facebook парақшасында жариялады, деп хабарлайды қала әкімдігінің ресми сайты.
"Егер Сіз 14 жастағы балалар тұратын аз қамтылған отбасылар туралы білсеңіз, онда бұл ақпаратты оларға айтыңыз. Біздің қолөнершілер қолданбалы ағаш өңдеу (ағаш/шере) дағдыларын үйретеді. Үздік оқушылар қосымша жұмысқа орналасу мүмкіндігіне ие болады. Тренинг тегін жүргізіледі. Оқу кестесі әр балаға жеке сәйкестендіріледі", – деп жазды.
Эмин Әскеровтың айтуынша, бес адамнан тұратын бірнеше топ құрылатын болады.
"Алдымен біз екі-үш топ құра аламыз, әрқайсысында шамамен бес адамнан болады. Біз балаларды толық күн бойы тарта алмаймыз, оларда өздерінің сабақтары бар. Олар үшін физикалық жағынан қиын. Сондықтан сабақтар аптасына екі сағаттан бірнеше рет өтеді. Әрине, балалардың осы әлеуметтік санатқа жататындығын түсіну үшін құжаттары болуы тиіс. Заң бойынша, 14 жастағы балалар толық емес жұмыс уақытында жұмысқа орналаса алады, сондықтан болашақта оларды жұмысқа қабылдауды жоспарлап отырмыз", – дейді кәсіпкер.
Барлық сұрақтар бойынша WhatsApp телефонына қоңырау шалуға немесе жазуға болады: +7 (707) 237-14-57 (Айдана).
Айта кетсек, Green TAL әлеуметтік шеберханасы елордада 2015 жылдан бастап жұмыс істейді. Жобаның негізгі мақсаты – мүгедектер, балалар үйлерінің түлектері, жалғызбасты аналар, бас бостандығынан айыру орындарынан шыққандар сияқты халықтың әлеуметтік осал топтарына жататын азаматтарды жұмысқа орналастыру.
