Астана маңындағы Малотимофеевка ауылына жаңа автобус бағдары қосылды, деп хабарлайды Елорда Инфо "Астана ЛРТ" ЖШС сілтеме жасап.
"Малотимофеевка ауылының тұрғындары үшін! Малотимофеевка ауылын көлікпен қамтамасыз ету мақсатында, 2018 жылдың 15 қазанынан бастап № 318 жаңа қала маңына қатынайтын бағдар іске қосылады", - делінген хабарламада.
Автобус "Ақмола облыстық ауруханасы" аялдамасынан бастап Манас көшесімен, одан әрі Абылай хан даңғылымен - Астана-Қарағанды тас жолына, одан әрі айналма тас жол арқылы Астана-Малотимофеевка тас жолымен Малотимофеевка ауылына дейін жүреді.
Қарама-қарсы бағытта қозғалысы аталған сызбамен кері нұсқада қайталанады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
