/img/tv1.svg
RU KZ
DOW J 25 771,89 РТС 1 386,20
Hang Seng 26 826,59 FTSE 100 6 796,40
KASE 2 302,72 Brent 50,93
Елордада жауған қар рекордтық мөлшерге жетті

Елордада жауған қар рекордтық мөлшерге жетті

Қардың астында қалған Елорданы тазарту үшін әкімдіктің бюджетінен 200 млн теңге жұмсалған.  

29 Қаңтар 2020 21:22 198

Елордада жауған қар рекордтық мөлшерге жетті

Елордада соңғы жарты ғасырда жаумаған қар биыл рекордтық мөлшерде түсті, деп хабарлайды Atameken Business.

Тіпті, 1 айдағы жауын-шашынның көлемі әдеттегі нормадан 3 есеге асып кеткен. Синоптиктер дәл осындай көрсеткіш 1964 жылы тіркелгенін айтады.

Ал биыл ақұлпаның қалың жауғаны сонша, коммуналдық қызмет қосымша техниканы тартып, жұмысшылармен қоса әскерилерді де жұмылдырған. Есепке сенсек, қыс басталғалы Нұр-Сұлтан көшелеріне 1159 техника мен мың жарымға жуық жұмысшы қардан тазалауға шығыпты. Соңғы күндері коммуналшылар техниканың санын 1200-ге жеткізсе, күрек ұстағандардың қатарын 142 адамға көбейткен. Шаһарды қардан тазалаушы компания өткен айдан бері 214 мың рейс жасап, 2,5 млн текше метр ақұлпаны сыртқа шығарыпты.

inbusiness.kz-ті қараңыз, оқыңыз :

1788 жұмысшысы Алматы көшелерінің қарын тазалауда

Алматыда қар толассыз жауып тұр.

25 Қараша 2019 11:54 276

1788 жұмысшысы Алматы көшелерінің қарын тазалауда

Алматы қаласында қар жауып тұр. Соңғы тәулікте қалаға қалыңдығы 8-13 см қар түсті, ал тау етегіндегі аудандарда оның қалыңдығы 18 сантиметрге дейін жетті.

Қала әкімдігінің баспасөз қызметі көктайғақтың алдын алу мақсатында қажетті жұмыстар атқарылып жатқанын жеткізді. Түнде көктайғаққа қарсы 4609 тонна материал себілген. 417 арнайы техника бірлігі, оның ішінде 172 құмлақтырғыш жолға шығыпты. Қар тазалауға 627 жұмысшы жұмылдырылған.

«Таңнан бері 508 техника бірлігі жұмылдырылып, 1788 жол жұмысшысы қар тазалауда. Қаланың жоғары орналасқан аудандарында арнайы техникалар колонналары жолдың қозғалыс бөлігіндегі қарды сыртқа шығаруда. Таңғы тығыз уақытқа дейін тротуарлар, ортақ пайдаланатын жерлер, жаяу жүргінші аймақтары, өтпелі жолдарға кіретін және шығатын жерлер қардан тазартылды»,– делінген хабарламада.

Жексенбі күнгі ауа райы болжамы

Синоптиктер еліміздің басым бөлігінде қар жауады деп отыр. 

24 Қараша 2019 08:59 468

Жексенбі күнгі ауа райы болжамы

Атмосфералық фронтальді бөліктердің өтуімен республиканың басым бөлігінде қар жауады, оңтүстікте жауын-шашын, көбінесе қар түрінде жауады, тек еліміздің батыс бөлігі антициклон жотасы ықпалында болады, сондықтан жауын-шашынсыз ауа райы сақталады. Кей жерлерде тұман, көктайғақ, бұрқасын күтіледі, жел күшейеді.

Алматы облысының кей жерлерінде тұман, көктайғақ күтіледі, Жаланашколь ауданында жел 17-22, екпіні 25 м/с күшейеді.Түркістан облысының кей жерлерінде тұман, көктайғақ, бұрқасын күтіледі, күндіз жел 15-20 м/с күшейеді. Шығыс Қазақстан облысының кей жерлерінде бұрқасын күтіледі, жел 15-20 м/с күшейеді. Ақмола облысының кей жерлерінде бұрқасын күтіледі, күндіз кей жерлерде жел 15-20 м/с күшейеді. Жамбыл, Қостанай облыстарының кей жерлерінде тұман, көктайғақ,  Жамбыл облысының кей жерлерінде жаяу бұрқасын болады. Солтүстік Қазақстан облысының кей жерлерінде тұман, бұрқасын күтіледі. Қарағанды облысының күндіз кей жерлерінде көктайғақ, жаяу бұқасын  күтіледі. Атырау, Ақтөбе облыстарының кей жерлерінде тұман болады деп болжанып отыр.

Жаңалықтарға жазылу: