Елордада жыл басынан бері КВИ жұқтырған 57 жүкті әйел дені сау сәби босанды

Елордада жыл басынан бері КВИ жұқтырған 57 жүкті әйел дені сау сәби босанды

06 Мамыр 2021 19:58 534

Елордада жыл басынан бері КВИ жұқтырған 57 жүкті әйел дені сау сәби босанды
Нұр-Сұлтан қаласы әкімінің орынбасары Бақтияр Мәкен елорданың денсаулық сақтау мекемелерінің бас дәрігерлерімен кеңес өткізді. Кездесуде халықты жаппай вакцинациялау мәселелері талқыланды, деп хабарлайды inbusiness.kz порталы қала әкімдігінің ресми сайтына сілтеме жасап.  

Кеңеске қатысушылар қазіргі эпидемиологиялық жағдайды, медициналық мекемелерде дәрі-дәрмектердің, медициналық жабдықтардың болуын, сондай-ақ халықты КВИ-дан жаппай вакцинациялау жұмыстарын талқылады.

«Тауарлар мен қызметтердің сапасы мен қауіпсіздігін бақылау департаменті СОО-лардағы мобильді орталықта жүргізіліп жатқан жұмыстан хабардар етті. Екпе алғысы келетіндер қатары 1,5 есеге артты. Дәрігерлер науқастарды емдеу жолында басынан кешкен оқиғаларын әңгімеледі. Жақында КВИ-мен ауыр күйде түсіп, өкпесі 99% зақымданған жүкті науқас емделіп, №2 көпсалалы қалалық ауруханадан шығарылды, жүрек жетіспеушілігі және басқа да ауруы бар науқастар емделіп, бұрынғы өміріне қайта оралды. Жыл басынан бері COVID-19 жұқтырған 57 жүкті әйел дені сау сәби босанды», - деді Бақтияр Мәкен.

Қала әкімінің орынбасары COVID-19-ға қарсы күрес бойынша жұмысты жалғастыруды, тұрғындар арасында вакцинация бойынша ақпараттық-түсіндіру жүргізуді, халықты вакцинацияға жазатын call-орталықтардың жұмысын күшейтуді, кадрлар мәселелерін бақылауға алуды, сондай-ақ медицина мекемелерінде дәрі-дәрмектің бар-жоғына күн сайын мониторинг жүргізуді тапсырды.

Ұқсас материалдар:

sauir-ajynda-otken-onlajn-aukcionda-munaj-kenishteri-13-ese-kymbatka-satylgan

nur-sultanda-7-10-mamyrda-kogamdyk-kolik-zhure-me

memleket-basshysy-sadyr-zhaparovty-zhana-atazannyn-kabyldanuymen-kuttyktady

elordada-biyl-koronavirus-zhuktyrgan-57-zhukti-ajel-aman-esen-bosandy

pavlodarda-taza-aua-akciyasy-otkiziledi

загрузка

×