Астана қаласының қоршаған ортаны қорғау және табиғат пайдалану басқармасы Ақбұлақ бұлағының су бетінде санитарлық тазарту жұмысын жүргізіп жатыр, деп хабарлайды Inbusiness.kz қала әкімдігіне сілтеме жасап.
Мердігер ұйым күн сайын таңертеңнен кешке дейін су бетін санитарлық тазалауды, өзен арнасының жағалау аумағын тұрмыстық қоқыстан тазартады.
Ақбұлақтың Аман көшесінен Құдайбердіұлы даңғылына дейінгі учаске бойында 21 мың ш.м. алаңда су бетін санитарлық тазалау, арамшөпті өсімдіктерді (қамыс пен шөпті) шабу жұмысы жүргізілді.
Айта кетерлігі, Ақбұлақ бұлағының жағалауы тұрмыстық қатты қалдықтардан тазартылып, елордалық полигонға 545 тоннадан астам арамшөптер (қамыс, балдырлар, шөптер және т.б.) мен қоқыс жиналып, шығарылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
