Астана қаласының 20 жылдық мерекесі шеңберінде 18-19 тамыз күндері Батыс Қазақстан облысының жәрмеңкесі болады, деп хабарлайды елорда әкімдігінің ресми сайты.
Жәрмеңке Қ. Мұңайтпасов 7 көшесіндегі "Қазақстан" СК көлік қоятын орнында өтеді.
Жәрмеңкеге облыстың 37 тауар өндірушісі қатысады, олар 79 млн теңге сомасында 120 тонна ауылшаруашылығы өнімдерін ұсынады: еттің барлық түрі, ең ірі республикалық "Кублей" қайта өңдейтін кәсіпорнының 10 тонна консерві бұйымдары, кондитерлік өнімдер, сусындар және тағы басқалары саудаланады.
Дәстүр бойынша жәрмеңкеде облыстың шығармашылық ұжымдары концерттік бағдарлама ұсынады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
