Жеңіс даңғылы 34-те бос тұрған жер мен ескі үйлердің орнына жаңа қоғамдық кеңістік пайда болды. Астана әкімдігі ресми сайтының мәліметінше, жаңадан ашылған алаңның ауданы 0,37 гектарды құрайды, деп хабарлайды inbusiness.kz сайтының тілшісі.
Жаңа қоғамдық кеңістіктің аумағында әртүрлі жастағы адамдарға арналған ойын алаңдары бар екі қабатты "Аспан ағашы" балалар кешені орнатылған. Сондай-ақ, спорт алаңдары мен беседкалар қарастырылған.
Сонымен қатар, бұрыннан өсіп тұрған барлық ағаш сақталып, қосымша 100-ден астам үйеңкі, қарағай және бадам отырғызылды.
Айта кетейік, биыл Астанада барлығы 170 аула мен қоғамдық кеңістік абаттандырылады. Ондай жұмыстар қаланың барлық ауданында, соның ішінде тұрғын алаптарында қамтылған. Жұмыстың көп бөлігі аяқталған.
