Елорданың коммуналдық қызметтері тәулік бойы күшейтілген режимде жұмыс істеп жатыр. Өткен түнде қаладан 2,5 мыңға жуық жүк көлігіне тиелген қар шығарылды, деп жазады inbusiness.kz сайты Астана әкімдігінің ресми сайтына сілтеме жасап.
19 ақпаннан 20-сына қараған түні қаладан 33 мың текше метрден астам қар шығарылды, бұл 2,5 мыңға жуық ауыр жүк көлеміне тең.
Қыс мезгілінің басынан бастап полигондарға 356 мыңға жуық рейс арқылы 4,8 млн текше метр қар шығарылды.
Айта кетейік, Астанада бірнеше қар полигоны жұмыс істейді. Олардың барлығы самосвал техникасының нөмірлік белгілерін оқу жүйесімен, бейнебақылаумен және жарықтандырумен жабдықталған.
Астанада 20 ақпан күні жауын-шашынсыз көшпелі бұлт шығады деп болжанып отыр. Оңтүстік бағыттағы желдің жылдамдығы – 2-7 м/с. Ауа температурасы түнде: -29-31, күндіз: -17-19 аяз.
