Елордадан қыс мезгілінің басынан бері екі млн текше метрден астам қар шығарылды

397

16 қаңтар күні таңертең елорданың көшелері мен жолдарын тазартуға 2 мыңнан астам жол жұмысшы жұмылдырылды. 

Елордадан қыс мезгілінің басынан бері екі млн текше метрден астам қар шығарылды Фото: gov.kz

Қаланың коммуналдық қызметтері қар мен мұзды күреу бойынша күшейтілген режимде тәулік бойы жұмысын жалғастыруда, деп жазады inbusiness.kz  Астана әкімдігінің ресми сайтына сілтеме жасап.

Қалада қар күреу жұмысына екі мыңнан астам жол жұмысшы мен мыңнан астам арнайы техника жұмылдырылды.

16 қаңтарға қараған түні елордадан 37 мың текше метрден астам қар шығарылды, бұл 2 678 ауыр жүк көлеміне тең.

Қыстың басынан бері барлығы 2 млн текше метрден астам қар шығарылды, ол үшін полигондарға 164 мыңнан астам рейс жасалды.

Сонымен қатар қаладағы тротуарларда тұрғындардың ыңғайлы жүруі үшін құм-тұз қоспасын себу жұмысы үнемі жүргізіледі.

Естеріңізге сала кетейік, осыған дейін Астана қаласы ТЖ департаментінің мамандары елорда тұрғындарын сақ болуға және ғимараттан шыққан кезде қар мен мұздың құлау қаупі туралы ескерткен болатын. Сол сияқты балалардың қауіпсіздігіне де ерекше назар аудару керек.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу