Азаматтық авиация комитеті "Эйр Астананы" Нұр-Сұлтан – Токио – Нұр-Сұлтан бағытындағы рейстерді орындауға бекітті. Бұл туралы ИИДМ баспасөз қызметі хабарлады.
Бұл ретте, еліміз бен Жапония аралығындағы тікелей рейстерді ашудың құқықтық негізі 2016 жылдың қараша айында қалыптасқанын айта кету керек. Оған сәйкес, Қазақстан мен Жапония әуе компанияларының әр тараптан аптасына 14 рейске дейін орындау мүмкіндігі бар.
2019 жылдың екінші жартысында "Эйр Астана" әуе компаниясы Токиоға тікелей рейстер ашуды жоспарлап отыр. Ұшу жиілігі аптасына 2 рейс Boeing 767 ұшағымен орындалады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
