"Таза Қазақстан. Астана – тазалық пен тәртіп үлгісі" экологиялық акциясы аясында еріктілер Есіл ауданы әкімдігімен бірлесіп, қар тазалау жұмысына атсалысқан коммуналдық қызметкерлерді қолдау шарасын ұйымдастырды.
"Бүгін жергілікті кәсіпкерлермен бірлесе отырып, тәулік бойы жұмыс істейтін коммуналдық қызметкерлерге ыстық шай мен ас үлестіріп жатырмыз. Бұл – жұмысы көбіне елеусіз қалатын, бірақ қала мен қоғам үшін өте маңызды адамдардың еңбегіне алаңдаушылығымыз. Олардың еңбегінің арқасында қаламыз таза әрі баршаға жайлы болып отыр", – дейді Есіл ауданы әкімдігінің ішкі саясат бөлімінің басшысы Әли Жолтабар.
"Бұл қолдаудың біз үшін маңызы зор. Мұндай ауа райында далада жұмыс істеу қиын, олардың сіздің жұмысыңызды есіне алып, қолдау көрсетуге дайын екенін көргенде, физикалық ғана емес, сонымен қатар рухани да жылу сыйлайды. Мұндай әрекеттер біздің еңбегіміздің бағаланатынын еске салады. Көңіл бөлгендеріңізге көп рақмет, бұл бізге күш береді", – деді коммуналдық қызмет бригадирі Сапархан Сералиев.
Астаналық еріктілер қыстыгүні қар тазалауға көмектесумен қатар, қала тұрғындарына үнемі қолдау көрсетеді: азық-түлік себетін жеткізу, мұқтаж жандардың үйлеріне қар шығару және отын кесу үшін бару, қолайсыз ауа райында шай беру.
Еріктілердің айтуынша, қайырымдылық шара қыс мезгілінің соңына дейін жалғасады.
