Әлеуметтік желіде елордалық лифтілердің бірінде ер адамның жарнама тақтасын сындырып жатқан видеосы тарады.
Оқиға 29 тамызда сағат 01.15-те Момышұлы даңғылындағы тұрғын үй кешенінің кіреберісінде орын алғаны анықталды. Аталған үйдің тұрғыны лифтіге кіріп, сөмкесінен қысқышты алып шығып, жарнама тақтасының мониторын ұрып жіберген.
Алматы ауданы Полиция басқармасының учаскелік инспекторы 34 жастағы қоғамдық тәртіпті бұзушыға қатысты ҚР ӘҚБтК-нің 434-бабы (Ұсақ бұзақылық) бойынша әкімшілік материал қозғады. Түпкілікті шешімді Нұр-Сұлтан қаласының Әкімшілік құқық бұзушылықтар жөніндегі мамандандырылған соты қабылдайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
