/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 435,65 Brent 36,55
Елордалық жедел жәрдемге COVID-19 бойынша қоңыраулар саны 10 есе азайды

Елордалық жедел жәрдемге COVID-19 бойынша қоңыраулар саны 10 есе азайды

Бір апта ішінде үш аурухана жоспарлы медициналық көмек көрсете бастады.  

02 Тамыз 2020 12:34 148

Елордалық жедел жәрдемге COVID-19 бойынша қоңыраулар саны 10 есе азайды

Пневмониямен ауыратындар саны 5 есе азайды, деп хабарлайды елорда әкімдігінің ресми сайты.

Қабылданған карантин шаралары мен ауруханалардағы амбулаториялық емдеудің нәтижесінде, елордада науқасқа шалдыққандар мен жедел жәрдем шақыру санының төмендеу тенденциясы байқалады. Қалада 11 254 індет жұқтыру жағдайы тіркелсе, олардың 74,1%-ы – 8 340 адам сауығып шыққан.

«Денсаулық сақтау ұйымдары мен дәрігерлерге түсетін жүктеменің айтарлықтай төмендеуі байқалды. Жедел жәрдемге қоңыраулар саны күніне 4300-ден 1500-ге дейін, яғни 3 есе азайды. Сонымен бірге жедел жәрдемге КВИ бойынша түсетін шақыру саны 500-ден 51-ге дейін, яғни 10 есе азайды. Пневмониямен ауыратындар саны 5 есе азайды. Қаладағы коронавирус індетінің азаю динамикасын сақтап қалу үшін, санитария нормаларын қатаң сақтау қажет», – деді қоғамдық денсаулық сақтау басқармасы басшысы Тимур Мұратов.

28 шілдеде психикалық денсаулық орталығының базасында орналасқан қаладағы алғашқы жұқпалы аурулар стационары жабылды. 1 тамызда ҚР Қорғаныс министрлігінің бас клиникалық ауруханасы базасында 100 орындық провизорлық стационар және «Рамада Плаза» қонақүй кешені базасындағы жұқпалы аурулар стационары жабылды.

Бір апта ішінде үш аурухана жоспарлы медициналық көмек көрсете бастады: №1, № 2 көпбейінді қалалық балалар ауруханасы және №2 көпбейінді аурухана.

Сонымен бірге, денсаулық сақтау басқармасы басшысының айтуынша, инфекциялық және провизорлық ауруханалар, қажет болған жағдайда, жеткілікті орындармен ашылуға дайын болады. Резервте қосымша нысандар қарастырылған.
 

Алексей Цой: Амбулаторлық ем алып жатқандарға 5 түрлі дәріні үйлеріне жеткіземіз

 Амбулаторлық науқастарды емдеу қаулысына өзгерістер енеді.

21 Шілде 2020 15:50 240

Алексей Цой: Амбулаторлық ем алып жатқандарға 5 түрлі дәріні үйлеріне жеткіземіз

Пневмония мен коронавирусты үйден емдеуге арналған 5 негізгі дәрі бекітілмек. Бұл туралы Денсаулық саөтау министрі Алексей Цой айтты.

«Осы шаралармен қатар біз тікелей пневмония мен коронавирустық пневмонияны, коронавирусты үй жағдайында, амбулаторлық тәсілмен емдеуге мүмкіндік беретін  5 негізгі фармацевтикалық дәріні енгізу бойынша жұмыс істеп жатырмыз. Осының арқасында науқастар асқынудың алдын алып, қажет дәріні нарықтан іздеп әуре болмайды. Қазір процедура жүріп жатыр, емдеу қаулылары енгізілуде. Тіпті аталған дәрілерді жеткізу жұмыстарын пысықтап жатырмыз.  Бұл науқастардың көмекті үйден алып, өз сырқатын ауруханға дейін жеткізбеуі үшін керек», – деді министр.

Есжан Ботақара
 

22 наурыздан бастап Нұр-Сұлтан қаласы толық жабылады

Карантиннің бірінші күні Нұр-Сұлтан мен Алматыдағы блок-бекеттерге әскери қызметшілер тартылды.  

19 Наурыз 2020 22:16 774

22 наурыздан бастап Нұр-Сұлтан қаласы толық жабылады

Астаналықтарға 72 сағат уақыт берілді. Осы аралықта ғана қалаға кіріп-шығуға рұқсат, деп хабарлайды Atameken Business.    

Ал 22-ші наурыздан бастап елорда толықтай жабылады. Шаһарға кіреберістегі тас жолдарға кешеден бері блок-бекеттер қойылған. Қала ішінде қоғамдық көлік кешкі 21.00-ге дейін ғана жүреді. Ал авиа және теміржол қатынасы мүлдем тоқтатылады. Мұны қала әкімінің орынбасары хабарлады.

COVID-19 тіркелген Алматы мен Нұр-Сұлтан бүгіннен бастап жабық қалаға айналды. Мемлекеттік комиссияның шешімімен бас қалада – 7, ал оңтүстік шаһарда 27 болг-бекет қойылды. Қазір қалаға кіріп-шығып жатқан көліктер мен адамдар тіркеуге алынуда. Елорда маңындағы бекеттердің жұмысын Мемлекет басшысы да арнайы барып, барлық жағдайға дайын болуымыз керек деді.