Есіл және Алматы аудандарында су уақытша өшіріледі, деп хабарлайды inbusiness.kz елорда әкімдігінің ресми сайтына сілтеме жасап.
Коммуналдық кәсіпорын мына тұстарда жұмыс жүргізеді: Б.Момышұлы даңғылы мен Төлебаев көшесінің қиылысында жаңа магистралды су құбырын салу; Б.Момышұлы даңғылы мен Сәтбаев көшесінің қиылысында қысым реттегішті бөлшектеу; Б.Момышұлы даңғылы, 1 ауданындағы шығын өлшегішті ауыстыру.
"21 мамыр күні сағат 22:00-ден 22 мамыр 09:00-ге дейін Есіл ауданында: Мәңгілік Ел даңғылы, Nova city ауданы, Заречный, Тельмано, Пригородный аудандары, BI Village/Family Village, Қабанбай батыр даңғылы, сондай-ақ Алматы ауданы бойынша: Мыңжылдық аллеясы ауданы, Оңтүстік-Шығыс ауданы, Қалдаяқов-Тәуелсіздік-Панфилов-Аманжолов көшелері аумағында ауыз су беру тоқтатылады. 22 мамырда сағат 10:00-ден 17:00-ге дейін жоғарыда аталған аудандар су құбыры желілерін іске қосу жұмысы жүргізіледі", - деп хабарлады "Астана су арнасы".
Бұл жұмыстар сумен жабдықтау желілерінің сапасы мен сенімділігін жақсарту үшін қажет.
