Нұр-Сұлтанда қаланы газдандыру бойынша ауқымды жұмыстар жалғасуда. Газға Көктал-1, Көктал-2, Теміржолшылар, Агроқалашық бөлігі және Оңтүстік-Шығыс тұрғын алаптарының тұрғындары қосылды, деп хабарлайды inbusiness.kz елорда әкімдігінің сайтына сілтеме жасап.
2021 жылдың қазан айының ортасында Оңтүстік-Шығыс ірі тұрғын алабында үйлер газға қосылды. Бұл жеке сектор түтіннің негізгі көздерінің бірі болып саналады. Осылайша бүгінде келесі аудандар газ берумен қамтамасыз етілді: 1) "Промышленный" т/а (Қошқарбаев даңғылынан оңтүстікке қарай толығымен); 2) Момышұлы даңғылы - Абылайхан даңғылы - Қошқарбаев даңғылы - Қордай көшесі шекарасында; 3) Құдайбердіұлы даңғылы - Бурабай - Абылайхан даңғылы - Мұстафин көшесі; 4) Қобыланды батыр көшесі - Лепсі көшесі - Құдайбердіұлы даңғылы - Бурабай көшесі.
Осы аудандарда тұратын тұрғындар үйді газға қосуға өтінім беру үшін "ҚазТрансГаз Аймақ" АҚ-ға өтінім беруі керек.
Осы күзде Промышленный, Агроқалашық және Оңтүстік-Шығыс (қосылмаған бөліктер) тұрғындары газға қосылу мүмкіндігін алады. Сондай-ақ "ҚазТрансГаз Аймақ" АҚ Күйгенжар, Мичурино, Интернациональный елді мекендерінде газбен жабдықтау желілерінің құрылысын жүргізуде.
