2018 жылдың 1 тоқсанында елорданың мемлекеттік бюджеті 103,4 пайызға орындалды, деп хабарлайды elorda.info Астана қаласы бойынша мемлекеттік кірістер департаментінің баспасөз қызметіне сілтеме жасап.
Елорданың әлеуметтік-экономикалық көрсеткіштерінің оң динамикасы және салықтық әкімшілендірудің жаңа тәсілдері мемлекеттік бюджеттің өсу қарқынын қамтамасыз етуде Астананың үздіктер қатарынан көрінуіне алып келеді.
"2018 жылдың І-тоқсанының қорытындысы бойынша болжам 7,4 млрд теңгеден (103,4%) аса орындалды немесе 227,2 млрд теңге түсті. Оның ішінде республикалық бюджетке 175,6 млрд теңге түсті (100,7%), жергілікті бюджетке 51,6 млрд теңге түсімі қамтамасыз етілді немесе болжам 6,2 млрд теңгеден (113,8%) аса орындалды", - деп атап көрсетілген хабарламада.
Жоғарыда көрсетілген көрсеткіштер елорданың экономикалық өсуі үшін мемлекеттік кірістердің түсімін арттыруға және Астана қаласының көлеңкелі экономикаға қарсы тұруға тиімді, әрі кешенді жасалынған шаралардың нәтижесі болып табылады.
