Ауыр атлетикадан әлемнің 4 дүркін чемпионы Илья Ильин өзінің командалық әріптесі, жақын досы Алмас Өтешовке көмектесіп жатқанын мәлімдеді, деп жазады inbusiness.kz сайты.
"Сәлем достар!
Уәде еткенімдей, мен сізге Алмастың жағдайын айтып отырмын. Қазір оның жағдайы жақсы. Ол Астанадағы Soul Clinic оңалту орталығында ем қабылдап жатыр. Ендеше, сауығып кететін осы қиын жолда оған күш-қуат тілейік", деп жазды Илья Ильин.
Еске сала кетсек, Алмас Өтешов сұхбат беріп, Илья Ильин бастаған спортшылармен допингті қолданғандары туралы айтқан болатын. Спортшы өз мәлімдемесінде бұл мәселе ақшамен шешімін тапқанын, сол арқылы халықаралық жарыстарда үздік нәтиже көрсеткенін ашық айтты. Кейін бұған қатысты Ильин де сұхбат беріп, Алмастың айтқандарына қатысты жауап берген болатын. Кейін ол өзінің досына көмектесетінін айтып, жанынан табылған. Айтуынша, Өтешов соңғы жылдары ішкілікке бой алдырған көрінеді.
